Aktualitet

Policia kapet me të riun në Paskuqan, banorët: Dilni në rrugë

2 Shkurt 2022, 10:51 Nga DOSJA

Policia kapet me të riun në Paskuqan, banorët: Dilni në

TIRANË – Një banor i Paskuqanit tentoi të nxiste sërish bllokimin e rrugës kryesore. Ai u frenua nga disa punonjës të policisë, të cilët e detyruan të kthehej në trotuar. Edhe pse u bë thirrje që të bllokohej sërish rruga, pjesa tjetër e protestuesve qëndroi në trotuar duke thënë se do të protestojnë nesër përpara Kryeministrisë.

Më pas, ai u prononcua për “News 24” duke thënë se nuk mund të përballen me shtetin nëse banorët tërhiqen. I riu shtoi se ka marrë dokumentin se banesa e tij nuk do të legalizohet. Nga ana tjetër, ai shtoi se do të vazhdojë të protestojë deri në marrjen e zgjidhjes përfundimtare të rrezikut të shembjes së shtëpive.

“Sigurisht do dal në protestë dhe ditët në vijim. S’kemi mbështetje nga njerëzit tanë, kështu s’mund të përballemi me shtetin. Të qëndrojmë deri në darkë, të ulemi të bllokojmë rrugën dhe pastaj të vijë policia. Jam tirons 100%, vijnë prishin shtëpinë. Kalojnë mespërmes fshatit dhe jo nga rruga. Jemi interesuar, s’kemi informacion të mëtejshëm nga institucionet. Ka ardhur me postë që përjashtohet shtëpia jonë nga legalizimi”, deklaroi i riu në Paskuqan.

Banorët e Paskuqanit do të protestojnë së bashku nesër me qytetarët e “5 majit” dhe Laprakës kundër prishjes së shtëpive të tyre nga bashkia e Tiranës. Ata pretendojnë se nuk kanë marrë asnjë përgjigje nëse do të dëmshpërblehen dhe shpronësohen dhe kanë kërkuar takim me kryebashkiakun e Tiranës dhe përfaqësues të institucioneve të tjera të shtetit.

LAJMI KRYESOR: Rrezikohen 100 shtëpi, banorët e Paskuqanit bllokojnë rrugën: Nesër te Kryeministria

(d.v/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet projekti i unazes se madhe proteste ne paskuqan projekti i unazes se madhe proteste ne paskuqan