Aktualitet

Zvarritje çështjesh dhe mosverifikim kallëzimesh, KLP shkarkon prokuroren Zeneli

31 Janar 2022, 10:52 Nga DOSJA
Zvarritje çështjesh dhe mosverifikim kallëzimesh, KLP shkarkon

TIRANË – Këshilli i Lartë i Prokurorisë shkarkoi sot prokuroren e Dibrës Belina Zeneli pas kërkesës së bërë nga Inspektoriati i Lartë i Drejtësisë. KLP konstatoi se Zeneli kishte zvarritur 10 çështje dhe nuk kishte verifikuar 300 kallëzime.

Drejtori i ILD Artur Meta i kërkoi KLP në 20 janar shkarkimin e Zenelit. Motivimi i këtij propozimi lidhet me mosdhënien e zgjidhjes ligjore për 33 procedime penale dhe moskryerjen e asnjë verifikimit të 300 kallëzimeve. Prokurorja e Dibrës ka zvarritur këto procese duke tejkaluar afatet kohore pa bazë ligjore. Këto shkelje janë kryer në periudhën 2013-2021.

NJOFTIMI I ILD-së:

Këshilli i Lartë i Prokurorisë pranoi sot kërkesën e Inspektorit të Lartë të Drejtësisë për dhënien e masës disiplinore “shkarkim nga detyra” për prokuroren B.Z. e Prokurorisë pranë Gjykatës së Shkallës së Parë Dibër.

Hetimi ndaj magjistrates nisi pas ankesës së depozituar në ILD nga Prokurori i Përgjithshëm.

Nga hetimi disiplinor që përfshiu punën e magjistrates në periudhën 2013-2021, u konkludua se veprimet dhe mosveprimet e prokurores përbëjnë mospërmbushje të pajustifikuar dhe të përsëritur të funksioneve gjatë hetimit, duke sjellë zvarritje të pajustifikuara të akteve procedurale, të cilat janë të detyrueshme për zbatim nga ana e magjistratëve.

Magjistratja ka kryer të njëjtën shkelje, gjatë periudhës kohore 2013- 2021, duke bërë që shkelja të jetë vazhduese.

Veprimet e magjistrates B.Z. kanë sjellë pasoja në dhënien e drejtësisë dhe kanë cënuar imazhin e  organit të akuzës duke ulur besimin e publikut tek drejtësia.

Ato përbëjnë shkelje shumë të rëndë disiplinore, që diskrediton pozitën dhe figurën e prokurorit gjatë ushtrimit të detyrës dhe Inspektori i Lartë i Drejtësisë i propozoi Këshillit të Lartë të Prokurorisë masën disiplinore “Shkarkim nga detyra”, parashikuar nga neni 105, pika 1, shkronja “dh” dhe neni 111, pika 2 të ligjit nr. 96/2016 “Për statusin e gjyqtarëve dhe të prokurorëve në Republikën e Shqipërisë”, i ndryshuar, si dhe neni 148/d, pika 2, shkronja “a” e Kushtetutës së Republikës së Shqipërisë, masë që u pranua nga Këshilli i Lartë i Prokurorisë.

(d.v/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet ild klp ild klp

Sondazh

Poll

MË SHUMË