Aktualitet

Ekuadori, frikë nga shqiptarët: ‘Biznesmenë’ të rrezikshëm, Çekajn e pret burgu

31 Janar 2022, 10:51 Nga DOSJA

Ekuadori, frikë nga shqiptarët: ‘Biznesmenë’ të

EKUADOR– Media ekuadoriane De Una Noticias u ka kushtuar një artikull shqiptarëve që zgjedhin të zhvillojnë biznese në vendet e Amerikës Latine. Nisur nga vrasja e shqiptarit më të fundit në Guayaquil, Ergys Dashi, media ekuadorian shkruan se ai ishte një person me të shkuar kriminale, por që pavarësisht kësaj, autoritetet ekuadoriane e kanë lejuar të futet në vend e të vijojë me aktivitetin e tij. Në shkrim përmendet dhe Arbër Çekaj. Sipas De Una Noticias për Çekajn është lëshuar një urdhër arresti nga Ekuadori që në vitin 2015, por ai i ka shpëtuar burgut pasi nuk ka shkelur më në atë vend, por hesapet me drejtësinë në Guayaquil i ka të pambyllura. Duke kujtuar vrasjen e Adriatik Tresës, media ekuadoriane shton se në total janë vrarë katër shqiptarë në vend, vetëm muajt e fundit.

Artikulli i plotë:

Ata mbërrijnë në Ekuador si biznesmenë të mëdhenj, por në vendin e tyre janë në listën e më të kërkuarve. Ata janë anëtarë të mafias nga Shqipëria, të cilët i shohin kufijtë dhe portet detare të Ekuadorit si një mundësi për të dërguar drogë në Evropë dhe Amerikën Latine. Ky biznes i paligjshëm çon në konfrontime me bandat e tjera kriminale dhe përfundojnë me vrasje. Një nga ngjarjet e ndodhura së fundmi në qytetin e Buenos Aires ishte vrasja e të huajit shqiptar Ergys Dashi, në raportet e vendit tonë u fol vetëm se një shqiptar u vra në një restorant nga një person që hyri në me një buqetë me lule nëduar. Shtypi ndërkombëtar raportoi se ai ishte anëtar i mafies shqiptare i cili kërkohej në disa vende për disa krime.

Në të shkuarën e tij Dashi është arrestuar në Itali më 18 shtator 2014 pasi ishte një nga krerët e një organizate kriminale në vendin e tij, ndërsa në Ekuador mbërriti pa u penguar nga policia. Porti kryesor ka qenë një nga sektorët ku operojnë më së shumti trafikantët e huaj të drogës. Vitet e fundit ka pasur disa vrasje mafioze. Në vitin 2009, Arbër Çekaj, ‘sipërmarrës’ themeloi një firmë eksporti bananesh në Ekuador. Ai e përdori biznesin për të fshehur lëndët narkotike në anije mallrash, sipas një hetimi të përbashkët nga Ekuadori dhe OCCRP. Përmes 18 kompanive ekuadoriane, Cekaj eksportonte banane në vendin e tij me kokainë. Tre nga këto biznese kishin një histori të transportit të drogës në kontejnerë. Shqiptari vazhdoi biznesin e tij, pavarësisht se kishte një urdhër arresti në Ekuador që prej vitit 2015. Policia shqiptare ka lëshuar një urdhër-arresti ndaj Çekajt, ku ai u arrestua në vitin 2018 në Gjermani dhe u ekstradua muaj më vonë në vendin e tij. Aktualisht ai përballet me dënimin që ka marrë. Shqipëria, e vendosur në Evropën Juglindore, pavarësisht largësisë së saj nga Amerika Latine, ka aleanca me disa kartele, duke përfshirë ato nga Kolumbia, dhe në dy dekadat e fundit Ekuadori.

Mafia shqiptare mbërriti në vend afërsisht në vitin 2001. Në të njëjtin vit të veprimtarisë së paligjshme i ashtuquajturi “Operacioni Udhëtim”, nga Administrata e Shteteve të Bashkuara për Ndjekjen e Drogës (DEA) arrestoi 3 të përfshirë në trafikun e drogës. Në vitin 2014 u dha alarmi për rrjetet e drogës nga shqiptarët dhe mafiozët e tjerë europianë. Operacioni ballkanik u ndërmor së bashku me prokurorin Cesar Peña, ku u sekuestruan 400 kilogramë kokainë dhe marihuanë. Gjithashtu janë arrestuar edhe 7 persona, mes tyre shqiptar dhe një nga Kosova. Në vitin 2017, një burrë u qëllua në qendër të Guayaquil dhe në 2018 një tjetër u gjet në një fushë në periferi të qytetit të Buenos Aires. Një tjetër ngjarje e ndodhur në fund të vitit 2020 ishte edhe vrasja e shqiptarit Adriatik Tresa që u sulmua me breshëri plumbash në shtëpinë e tij. Tresa, që nga viti 2013 është hetuar për pastrim parash, armë, drogë, madje edhe për vrasjen e gazetarit Fausto Valdiviezo. Në total kanë qenë 4 persona me kombësi shqiptare që kanë qenë viktima të vrasësve me pagesë.

Sipas Nënsekretarit Kombëtar të Migracionit, Fausto Olivo, në 2019-ën në Ekuador hynë 20 shqiptarë në muaj, në 2021-n 18 dhe deri më tani në 2022-n janë 16. Shqiptarët konsiderohen nga Policia dhe Qeveria si emigrant të rrezikshëm. Nisur nga këto fakte, kryebashkiaku i Guayaquil, Cynthia Viteri, njoftoi se do të paraqesë një projektligj në Asamblenë Kombëtare për të ndaluar hyrjen në Ekuador të të huajve me të kaluar kriminale.

(f.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet adriatik tresa arber cekaj ekuador ergys dashi shqiptaret ne ekuador adriatik tresa arber cekaj ekuador ergys dashi shqiptaret ne ekuador