Aktualitet

VD: Policia i shtrin në borë! 2 aksione anti-kanabis në Lezhë, 3 në pranga

29 Janar 2022, 08:08 Nga DOSJA

VD: Policia i shtrin në borë! 2 aksione anti-kanabis në

LEZHË– 3 persona janë arrestuar gjatë dy operacioneve të ndryshme në Lezhë, gjatë të cilëve janë sekuestruar 50 kg kanabis. Gjatë finalizimit të operacioneve ‘Munella’ dhe ‘Kaçinari’ që janë zhvilluar të dy brendave 12 orëve, janë prangosur Vitor Lleshi dhe Paulin Nikolli. Dy trafikantët u kapën me thasët me kanabis në duar në mes të dëborës në fshatin Domgjon, ndërsa me vete kishin 31 kilogramë e 600 gramë kanabis. Gjatë aksionit të koduar “Kaçinari”, u arrestua Besmir Çupi, ndërsa u procedua në gjendje të lirë babai i tij i identifikuar me inicialet, P.Ç. Gjatë kontroll në banesën e 36-vjeçarit u gjetën 18 kg kanabis.

NJOFTIMI I PLOTË:

DVP Lezhë

Brenda 12-orëve, finalizohen 2 operacione policore për goditjen e veprimtarisë kriminale në fushën e narkotikëve. Finalizohet operacioni policor “Munella” , vihen në pranga 2 shtetas, sekuestrohen 31 kilogramë e 600 gramë lëndë narkotike. Finalizohet operacioni policor i koduar “Kaçinari”, vihet në pranga 36-vjeçari, procedohet në gjëndje të lirë babai, si dhe sekuestrohen 18 kilogramë lëndë narkotike e dyshuar cannabis sativa. Operacionet nga strukturat e DVP Lezhë, Komisariati i Policisë Mirditë, në bashkëpunim me FNSH Shkodër, zhvilluar në kushte të vështira të motit dhe në terren të thyer malor.

Në vijim të punës së pandërprerë për parandalimin dhe goditjen e paligjshmërisë në drejtim të prodhimit dhe trafikimit të lëndëve narkotike, personave të shpallur në kërkim apo që mbajnë armë zjarri pa leje, shërbimet e Policisë Lezhë, në bashkëpunim me FNSh Shkodër, mbi bazën e informacioneve të siguruara në rrugë operative kanë organizuar dhe finalizuar me sukses, brenda 12 ,orëve, në kushte të vështira të motit , 2 operacioni policore ,në kuadër të të cilëve, janë venë në pranga 3 shtetas dhe sekuestruar një sasi e konsiderueshme lënde narkotike.

Në operacionin policor të koduar “Munella”, në fshatin Domgjon, Fanë, Mirditë, shërbimet e Policisë gjatë kontrollit të ushtruara në banesat e shtetasve V.Ll. dhe P.N., kanë gjetur dhe sekuestruar në cilësinë e provës materiale 31 kilogramë e 600 gramë lëndë narkotike e dyshuar cannabis sativa.

Në përfundim të veprimeve, specialistët për Hetimin e Narkotikëve dhe Trafiqeve në DVP Lezhë, bënë arrestimin në flagrancë të shtetasve: V.Ll., 49 vjeç, lindur në Domgjon, Mirditë, banues në Zejmen, Lezhë dhe P.N. 43 vjeç, lindur në fshatin Xhuxhë, Mirditë, banues në Tale, Lezhë, për veprën penale “Prodhimi dhe shitja e narkotikëve, kryer në bashkëpunim.

Në kuadër të operacionit policor të koduar “Kaçinari ” , në fshatin Arrëz, Kaçinar , shërbimet e Policisë kanë ushtruar kontroll në banesën e shtetasit B.Ç. dhe kanë gjetur dhe sekuestruar në cilësinë e provës materiale 18 kilogramë lëndë narkotike të dyshuar cannabis sativa. Specialistët për Hetimin e Narkotikëve në DVP Lezhë, bënë arrestimin në flagrancë të shtetasit: B.Ç.,36 vjeç, banues në fshatin Arrëz,Mirditë, për vepren penale “Prodhimi dhe shitja e narkotikëve “, si dhe proceduan penalisht në gjëndje të lirë për shkak të problemeve shëndetësore, babain e tij shtetasin P.Ç. Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme.

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet lezhe operacioni kacinari operacioni munella policia e shtetit lezhe operacioni kacinari operacioni munella policia e shtetit