Sport

Zgjedhjet, Shoqata Rajonale e Futbollit në Fier: Veprimet e FSHF, të pavlefshme

27 Janar 2022, 10:56 Nga DOSJA

Zgjedhjet, Shoqata Rajonale e Futbollit në Fier: Veprimet e FSHF, të

FIER – Shoqata Rajonale e Futbollit në Fier akuzoi Federatën Shqiptare të Futbollit se ka dëmtuar procesin zgjedhor të sotëm për kryetarin e ri të SHRF “Fier”. Në një deklaratë publike, SHRF “Fier” shton se FSHF ka ndryshuar qëllimisht numrin e delegatëve për të ndryshuar rezultatin e zgjedhjeve. Shoqata në fjalë i konsideron veprimet për caktimin e delegatëve dhe vendimet e asamblesë së sotshme si të pavlefshme.

“Duke vlerësuar qëndrimin e deritanishëm që Bashkia e Tiranës dhe anëtarë të tjerë të SHRFT-së, kanë mbajtur në mbrojtje të integritetit të një procesi të rregullt zgjedhor, duke na përfaqësuar në interesat dhe shqetësimet tona të ligjshme për zhvillimin deri më tani nga FSHF të një procesi zgjedhor, jo transparent dhe jo statutor;

Të vendosur për të restauruar besimin e komunitetit sportiv dhe qytetarëve shqiptar në integritetin që Federata Shqiptare e Futbollit dhe sporti i futbollit në bashkitë tona dhe Shqipëri meriton që të kenë;

Deklarojmë: Vendimmarrjen tonë respektive, për revokimin e menjëhershëm të çdo akti të nënshkruar deri më sot nga ana jonë si përfaqësues ligjor të subjekteve anëtare Shoqatës Rajonale të Futbollit Fier, për caktimin e delegatëve në punimet e Asambleve të Përgjithshme të SHRFF qe mbahen ne date 27.01.2022; duke konsideruar çdo vendim apo veprim të mëtejshëm procedurial të marrë nga këta delegatë, si një vendim apo veprim absolutisht i pavlefshëm, në mungesë të tagrave përkatëse përfaqësuese dhe të dënueshëm penalisht”, thuhet në deklaratën publike të Shoqatës Rajonale të Futbollit Fier.

Iljaz Haxhiaj u zgjodh sot si kryetari i ri i Shoqatës Rajonale të Futbollit Fier.

Situata në futbollin shqiptar është tensionuar ditët e fundit që me zgjedhjet për kryetarin e SHRF “Tirana”. Kryebashkiaku Erion Veliaj tentoi të ndërhynte në zgjedhjet e kësaj shoqate duke trysnuar anëtarët e saj. Krenar Alimehmeti fitoi me 44 vota pro. Sot Asambleja e SHRF “Tirana” depozitoi kërkesën e saj për vendimet e asamblesë së ditës së hënë. Prokuroria e Tiranës nga ana tjetër sekuestroi dosjen e asamblesë së kësaj shoqate.

Kryebashkiaku Erion Veliaj ka dalë hapur kundër presidentit të FSHF Armand Duka, për të cilën pretendon se do ta padisë në organet e drejtësisë kombëtare dhe ndërkombëtare Dukën për korrupsion dhe pastrim parash.

LEXO DHE KËTË:

Përfundojnë zgjedhjet: Iljaz Haxhiaj, kryetari i ri Shoqatës Rajonale të Fierit

(d.v/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport