Politike

Basha e zëvendësoi me Bejkon, Shehu: Jemi kockë e fortë, të ngecim në grykë

26 Janar 2022, 16:15 Nga DOSJA
Basha e zëvendësoi me Bejkon, Shehu: Jemi kockë e fortë,

TIRANË– Deputeti i Partisë Demokratike, Tritan Shehu ka reaguar pasi kryedemokrati Lulzim Basha mori vendimin që ta largonte nga Gjirokastra si drejtues politik e ta zëvendësonte me Roland Bejkon. Në një postim në Facebook, pas marrjes së këtij vendimi, Shehu shkruan se Basha, të cilin e quan deputet po kërkon tu imponohet demokratëve, kur në fakt është shkarkuar me vendim të Kuvendit të mbajtur më 11 dhjetor. Shehu e konsideron Bashën tradhëtar që për tetë vite me radhë i ka mashtruar demokratët.

DEKLARATA: Deputeti i ngujuar Basha perfshin edhe Qarkun e Gjirokastres ne vizionet e tij te deformuara. Qesharake kjo! Por dhe e dhimbeshme ne nje sens! Nje deputet i mbyllur ne nje “bunker” te blinduar, te mbushur me keq beres, nen mbrojtjen nga Policia e Rames, kerkon te diktoje “vullnetet” e tij imagjinare militanteve, antareve, simpatizanteve demokrate te Qarkut te Gjirokastres.

Dhe per me shume kjo kur nga Bunkeri ku eshte futur, pak jave me pare i mbyti me gaz toksik, i gjakosi nepermjet shkopinjeve te rregjimit, kerkoi t’i poshteroi, denigroi, e cbeje ata. Po ai haron se Gjirokastra, Libohova, Dropulli, Permeti, Kelcyra, Tepelena e Memaliaj jane “kocke” e forte, qe te ngel ne gryke. E kane treguar kete ne historine e ketij vendi, ne historine tone demokratike, por dhe ne historine e afert te Kuvendit te 11 Dhjetorit e Referendumit te 18 Dhjetorit, kur njezeri u ndane perfundimisht nga ty. U ndane nga ty jo per inate a simpatira personale, por se ti jo vetem i tradhetove per 8 vite kur ata te mbeshteten, i mashtrove, i fute ne beteja te genjeshtra nga i nxorre po me genjeshtra, per t’i krijuar mundesi ketij rregjimit te kapte cdo gje, por dhe se kerkove t’i helmosh realisht e lendosh fizikisht prej atij bunkeri, qe shpejt do tu kthehet te zoterve.

Ndersa plaget morale ja kishe krijuar prej kohesh! Dhe ne menyren me komike kerkon edhe sot t’i sundosh ata, tu imponosh Don Kishoter, kur ti vete je shkarkuar prej kohesh edhe formalisht. Ndersa ata jane te plotfuqishem e te lire ne zgjedhjet e tyre, te vendosur ne rrugen e demokracise e te opozitarizmit me kete rregjim, ne pregatitje per tu perballur me ate e fituar mbi ate. Dhe kete jua them dhe une si deputet i tyre, si antar i organit me te larte te PD Komisionit te Rithemelit, i ngarkuar edhe ne menyre te vecante per ate Qark. Fatkeqesisht perceptimet e deformuara te cojne shume larg disa here. Prandaj ndoshta duhet me mire te themi: Ta shpetojme deputetin Basha!

Kreu i Partisë Demokratike Lulzim Basha ka ndryshuar edhe drejtuesin politik në Gjirokastër. Pasi i besoi Shkodrën nënkryetarit të PD-së, Enkelejd Alibeaj, në Gjirokastër Basha ka vendosur të dërgojë Roland Bejkon. Ky i fundit zëvendëson Tritan Shehun në këtë post, i cili i është bashkuar ish-kryeministrit Sali Berisha dhe është pjesë e Komisionit të Rithemelimit të Partisë Demokratike. Më herët Basha caktoi Alibeajn drejtues politik në Shkodër. Ky vendim erdhi pas largimit të Helidon Bushatit.

(f.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike lulzim basha tritan shehu lulzim basha tritan shehu

Sondazh

Poll

MË SHUMË