Aktualitet

Shkelje në koncesion, KLSH kallëzon në SPAK 8 punonjës të Ministrisë së Shëndetësisë

26 Janar 2022, 14:32 Nga DOSJA
Shkelje në koncesion, KLSH kallëzon në SPAK 8 punonjës

TIRANË – Kontrolli i Lartë i Shtetit paditi në Prokurorinë e Posaçme Kundër Krimit dhe Korrupsionit 8 funksionarë të Ministrisë së Shëndetësisë dhe Mbrojtjes Sociale së bashku me dy punonjës të Agjencisë së Trajtimit të Koncesioneve për shkelje në tendera. Në kontrollin e kryer, u verifikuan shkelje në prokurimin e tenderit për “Blerjen e një monitori pacienti për masat anti-COVID” në Sarandë dhe Lushnje.

KLSH ka ngritur akuzën “Shkelja e barazisë së pjesëmarrësve në tendera apo ankande publike” për këta 8 punonjës. 

NJOFTIMI I KLSH:
Kontrolli i Lartë i Shtetit, gjatë ushtrimit të auditimit financiar dhe i përputhshmërisë në Ministrinë e Shëndetësisë dhe Mbrojtjes Sociale ka konstatuar shkelje të kryera nga ana e tetë funksionarëve  të MSHMS, institucioneve në varësi të saj, si dhe dy punonjës të ATRAKO, lidhur me procedurën për “Koncesionin/ partneritetin publik privat, për ofrimin e shërbimit laboratorik të spitaleve universitare, rajonale dhe atyre bashkiake të Sarandës dhe Lushnjes” si dhe procedurën e prokurimit për “Blerje monitor pacienti për masat anti-covid”.

Nga auditimi i procedurës së koncesionit të lartëpermendur, janë evidentuar veprime të kundërligjshme të shtatë punonjësve, anëtarë të Komisionit të Dhënies së Koncesionit/PPP veprime këto që bien në kundërshtim me detyrimet ligjore që i atribuohet këtij komisioni, si dhe me dispozitat ligjore që normojnë procedurën e koncesionit në fjalë.

Gjithashtu nga auditimi i procedurës së prokurimit për “Blerje monitor pacienti për masat anti-covid” janë konstatuar një sërë shkeljesh të kryera nga tre punonjës, anëtarë të Komisionit të Vlerësimit të Ofertave, në kundërshtim me dispozitat ligjore për prokurimin publik, si dhe me përmbushjen e rregullt të detyrës së anëtarit të KVO-së.

Në lidhje me këto shkelje, Kontrolli i Lartë i Shtetit ka kallëzuar në Prokurorinë e Posaçme Kundër Korrupsionit dhe Krimit të Organizuar dhjetë punonjës të lartëpërmendur për veprën penale “Shkelja e barazisë së pjesëmarrësve në tendera apo ankande publike”, parashikuar nga neni 258 i Kodit Penal.

(d.v/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet klsh ministria e shendetesise dhe e mbrojtjes sociale klsh ministria e shendetesise dhe e mbrojtjes sociale

Sondazh

Poll

MË SHUMË