Aktualitet

Vinte nga Ekuadori, kapen 400 kg kokainë në Mal të Zi! Punëtorët njoftuan Policinë

12 Janar 2022, 18:20 Nga DOSJA
Vinte nga Ekuadori, kapen 400 kg kokainë në Mal të Zi!

MAL I ZI- 400 kilogramë kokainë janë sekuestruar nga autoritetet e Malit të Zi pasditen e sotme në një magazinë brenda arkave me banane. Mësohet se droga ishte fshehur në arkat e bananeve ‘Derby’, të cilat vinin nga Ekuadori.

“Vijesti.me” bën me dije se ishin punonjësit e kompanisë ata që njoftuan të parët efektivët e Policisë së Shtetit pasi konstatuan drogën mes arkave me banane. Brenda çdo pakoje, kishte pako me kokainë të mbështjella me natriban, ndërkohë që autoritetet kanë nisur hetimet lidhur me rasin.

Policia ndodhet në ambientet e magazinës ndërsa punonjësit që pikasën kokainën do të japin deklaratat e tyre në lidhje me ngjarjen. Të tjerët e kanë të ndaluar përkohësisht që të futen në magazinë, deri në përfundimin e hetimeve. Por deri më tani nuk ka asnjë person të ndaluar, ndërsa ende i paqartë është itinerari i kamionit, që mund të ketë kaluar nga porti i Durrësit. 

E njëjta kompani, sjell banane edhe në Shqipëri, por nuk është kapur në asnjë rast deri më tani në vendin tonë. Ekuadori është kthyer në një burim të sigurt për kontrabandistët europianë të drogës në vitet e fundit, veçanërisht për shqiptarët, malazezët, spanjollët, grekët, holandezët dhe belgët. Në vendin tonë, nëpërmjet të njëjtës skemë kanë arritur që të deportojnë qindra ton kokainë e pastër, që ka si destinacion vendet e Europës. 

Marrë nga Vijesti.me

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

kryesore rajoni kokaine ne mal te zi kokaine ne mal te zi

Sondazh

Poll