Politike

Zgjedhjet, Basha ‘zbulon’ planin: Skenari i Ramës nuk janë votimet, por përplasja civile

26 Qershor 2019, 20:50 Nga DOSJA
Zgjedhjet, Basha ‘zbulon’ planin: Skenari i Ramës nuk janë

TIRANË- Kryetari i Partisë Demokratike, Lulzim Basha thotë se kryeministri Edi Rama në 30 qershor nuk për qëllim të zhvillojë zgjedhje por të shkaktojë përplasje civile.

Në deklaratën e tij, Basha shprehet se qytetarët dhe opozita nuk do ta lejojë për asnjë moment realizimin e këtij skenari.

Pjesë nga fjala e Bashës:

Të gjithë kriminelët e përgjimeve të Bild janë prapë duke bërë të njejtën gjë, duke kërcënuar dhe blerë vota.

Tashmë është e qartë ajo që kemi paralajmëruar: skenari i vërtetë i Edi Ramës nuk është të bëjë zgjedhje me 30 qershor, por ta përdorë 30 qershorin për përplasje civile.

Dhuna është shpëtimi i tij për të mos dalë para drejtësisë për bashkëpunimin me krimin dhe grabitjen e vendit. Ndaj, ai ka një skenar kriminal që 30 qershori të kthehet në përplasje civile dhe në një ditë të dhunshme.

Në të gjitha qytetet kryesore të vendit, Edi Rama po përdor kriminelë dhe të forte për të detyruar qytetarët të dalin në votime.

Figurat e krimit do të përdoren si ushtri private mercenare më 30 qershor për të detyruar njerëzit të votojnë nën presion. Ata do të përdoren për të krijuar përplasje me qytetarët. Ata do të përdoren për të bërë dhunë kundër qytetarëve. Ky është një skenar i rrezikshëm, që do të dështojë.

Ne do t’i bëjmë qëndresë dhunës së Edi Ramës. Do të bëjmë çdo përpjekje që kemi në dorë. Edi Rama po dhunon lirinë dhe të drejtat e njerëzve. Edi Rama po përdor sërish krimin ndaj njerëzve. Dhe njerëzit kanë të drejtë të mbrohen.

Kryetari i PD-së, Lulzim Basha në një konferencë për shtyp nga selia e Partisë Demokratike është shprehur se ministrja Olta Xhaçka shpërndan para në Peshkopi. Sipas Bashës, procesi po udhëhiqet sërish nga Robert Aga. Më tej, Basha shprehet se Rama do përplasje civile më 30 qershor.

(k.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike lulzim basha zgjedhjet lokale 2019 lulzim basha zgjedhjet lokale 2019

Sondazh

Poll

MË SHUMË