Sport

“Kampionët duhet të luajnë”! Conte “ndërhyn” te Chelsea për Lukakun: Për mua…

3 Janar 2022, 17:51 Nga DOSJA

ANGLI-Antonio Conte është gati të përballet me Chelsea-n, por mund të mos ketë mundësi të gjejë një nga ish-nxënësit e tij. Trajneri i Tottenham foli në një konferencë për shtyp dy ditë para ndeshjes së Carabao Cup kundër Chelsea-t dhe sulmuesi belg ka gjasa të përjashtohet edhe në këtë takim, siç ndodhi ndaj Liverpool.

“Ai është një lojtar i një ekipi tjetër. Do të ishte mungesë respekti. të flas për të dhe gjithashtu për Chelsean – ishin fjalët e italianit. “Për mua është më mirë të luaj kundër një skuadre që i ka të gjithë lojtarët në dispozicion dhe madje për ata që e shikojnë është më mirë që kampionët të jenë në fushë”.

Lukaku, i cili nën drejtimin e Contes shënoi 64 gola në 95 paraqitje me fanellën zikaltër, u mbajt në tribunë në ndeshjen e madhe të Premier League kundër Reds, si pasojë e intervistës në të cilën i kërkoi falje Interit për mënyrën sesi u largua nga klubi verën e kaluar dhe ku tha se shpresonte të kthehej në Milano një ditë.

Conte, gjithsesi, nuk u ndal shumë në këtë temë, duke preferuar të flasë për emocionet e rikthimit të tij në stadiumin e Blues, ku ishte trajner nga viti 2016 deri në 2018: “Për mua do të jetë një emocion i madh të kthehem në Stamford Bridge, hera e parë që kur u largova nga Chelsea.

Së bashku kemi bërë një punë të rëndësishme dhe duhet të falënderoj këtë klub, i cili më dha mundësinë të kem përvojën time të parë në Angli. Megjithatë, tani jam trajner i Tottenham dhe dua t’i jap 100% kësaj shoqërie për të përmirësuar ekipin.”

E.Ç (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport chelsea conte lukaku chelsea conte lukaku