Sport

Zëra nga Franca: “Kupa e Afrikës mund të anulohet”. Kameruni i mohon: “Fake news”…

15 Dhjetor 2021, 16:14 Nga DOSJA
Zëra nga Franca: “Kupa e Afrikës mund të anulohet”.

FRANCE – Kupa e Kombeve të Afrikës 2021 mund të anulohet. Lajmi i bujshëm vjen nga Franca: sipas ‘RMC Sport’, aktualisht po zhvillohet një reflektim brenda CAF (Konfederatës Afrikane të Futbollit) në lidhje me mundësinë e anulimit të turneut, të planifikuar në Kamerun, nga 9 janari deri më 6 shkurt.

Sigurisht që rëndojnë dyshimet në lidhje me pandeminë Covid-19 dhe përhapjen e variantit ‘omicron’, por edhe pakënaqësia e klubeve europiane, të cilat kanë kërcënuar se nuk do t’i lirojnë lojtarët. Megjithatë, CAF sot lëshoi ​​një deklaratë, duke i kërkuar Komitetit Organizativ “të punojë 24 orë në ditë, për të siguruar që gjithçka të jetë gati për ndeshjen hapëse më 9 janar”. Federata e Kamerunit, vendi organizator, e ka cilësuar lajmin si “fake news”.

Sipas portalit francez, lajmi gjen një jehonë mes trajnerëve të ndryshëm edhe pse ende asgjë nuk është zyrtarizuar. Përtej vështirësive organizative, organi që drejton futbollin afrikan duhet të përballet me shumë klubeve, të cilat rrezikojnë të humbasin lojtarët e tyre deri në mes të shkurtit.

Në Britaninë e Madhe, për shembull, të gjithë ata që vijnë nga vende të ndryshme të listës së kuqe, janë të detyruar të hynë në karantinë 10-ditore nga momenti i kthimit dhe edhe nëse vendet afrikane janë hequr së fundmi nga kjo listë, dyshimet dhe paqartësitë mbeten. Gjithashtu, në Itali, ka aktualisht një karantinë 10-ditore për ata që kthehen nga ato zona.

Fakti është, se ajo që disa ditë më parë dukej një hipotezë mjaft e largët, tani duket se ka baza konkrete. Klubet e Serisë A mbeten spektatorë të interesuar për evolucionin e ngjarjeve, veçanërisht ato me lojtarë të rëndësishëm afrikanë në skuadër si Napoli (Osimhen, Koulibaly, Anguissa dhe Ounas), Milani (Kessie dhe Bennacer) ose Torino (Singo, Aina dhe Djidji).

Ky është “lajm i rremë, rezultat i pastër spekulimi”, i përhapur nga disa media për mundësinë e shtyrjes ose anulimit të Kupës së Kombeve të Afrikës 2021 për shkak të rrezikut të infektimit. Kështu tha një drejtues i lartë i Federatës së Futbollit të Kamerunit, i kontaktuar nga AFP. Nga ana tjetër, Konfederata Afrikane (CAN), refuzoi të komentojë lëvizjen e ECA-s dhe i shkroi FIFA-s, se klubet europiane kërcënojnë se nuk do t’i lejonë lojtarët e tyre në turne nga frika e pandemisë.

B.T (Dosja.al)

Cila mendoni se është alternativa më e mirë:

View Results

sport sport detyruar të hynë në karantinë 10-ditore duke i kërkuar komitetit organizativ kupa e kombeve të afrikës 2021 sipas ‘rmc sport’ sipas portalit francez thyhet karantina detyruar të hynë në karantinë 10-ditore duke i kërkuar komitetit organizativ kupa e kombeve të afrikës 2021 sipas ‘rmc sport’ sipas portalit francez thyhet karantina

Sondazh

Poll

MË SHUMË