Aktualitet

Moti i keq/Dëborë në Kukës dhe Korçë,Berati pa drita, bllokohen turistë në Voskopojë

11 Dhjetor 2021, 06:34 Nga DOSJA

Moti i keq/Dëborë në Kukës dhe Korçë,Berati pa

TIRANË– Stuhi, dëborë në zonat malore dhe temperatura të ulëta për ditën e sotme. Reshjet e dëborës, që kanë nisur prej ditës së djeshme, kanë mbuluar gjithë zonën e juglindjes së vendit, duke sjellë jo pak probleme në qarkullimin e mjeteve.

Instituti i Gjeoshkencave paralajmëron qytetarët në Jug të vendit për rrezikun si pasojë e reshjeve që pritet që të jenë intensive. Në qarqet Berat, Vlorë dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave.

Reshjet e dëborës kanë shkaktuar probleme në Boboshticë-Dardhë km 7-14, Qafë Thanë-Kapshticë, Korçë-Ersekë, Popçisht-Libonik, Qafë Priskë, Mali i Dajtit, Bajram Curri-Valbonë, Kukës-Krum, Qafë Mali-Fierzë, Dedaj-Razëm km i fundit.

Reshjet e dendura të shiut në 24 orët e fundit kanë bërë që Përroi i Çullos në Gjirokastër të dalë nga shtrati. Dalja nga shtrati e përrroit ka bllokuar unazën e qytetit që lidh lagjen Granicë me lagjen Gërhot në hyrje të qytetit.

Reshje të dendura dëbore janë regjistruar në qarkun e Kukësit ditën e sotme. Lartësia borës në Shishtavec ka shkuar në 15 cm, në Valbonë 20 cm dhe në Qafë Prush të Hasit 15 cm. Rrugët rurale janë të qarkullueshme, ndërsa problem për mirëmbajtje ngelet segmenti rrugor Fierz-Lekbibaj.

Reshjet e dëborës që kanë vijuar përgjatë gjithë natës kanë bërë që trashësia e borës në zonën e Dardhës në Korçë të arrijë deri në 35 cm, ndërsa kalueshmëria e mjeteve mundësohet vetëm me zinxhirë.

Në Berat, prurjet e lumit Osum në Urën e Varur në Berat dhe në Urën e kanë kaluar pragun e ulët dhe të mesëm dhe janë në tendencë rritje 5 cm në çdo 15 minuta. Si rezultat i motit të keq dhe rreshjeve shumë zona në të gjithë qarkun janë pa energji elektrike. Që prej mëngjesit të sotëm janë pa energji elektrike: fshatrat Perondi e Kozare në bashkinë Kuçovë, fshatrat Cukalat,Pobrat e Poshnje në bashkinë Dimal,fshatrat Vërtop,Tomorricë e Vërtop në bashkinë Poliçan,fshatrat Potom,Gjerbës,Leshnje e Tomorr në bashkinë Skrapar dhe fshati Tërpan në bashkinë Berat.

Rruga hyrëse në Voskopojë, është bllokuar për shkak se makinat nuk kanë zinxhirë në gomat e makinës. Për shkak të fundjavës, të shumtë janë shqiptarët që janë drejtuar qytetit të Korçës, e cila në prag festash është zbardhur nga dëbora, por kjo është shoqëruar me probleme në qarkullim, pasi jo të gjithë drejtuesit e mjeteve i kanë marrë masat për të udhëtuar në këto zona, ku janë të domosdoshëm zinxhirët dhe gomat e dëborës.

ZHVILLIMET ORË PAS ORE:

Mungesa e energjisë elektrike në Kukës, OSHEE: Po punohet deri vonë (DETAJE)

SITUATA – Bllokohet nga dëbora aksi Bogë-Qafë Thorë, lumenjtë rikthehen në shtretër

Dëbora në Shqipëri: ARRSH-ja apel shoferëve: Përdorni gomat dimërore dhe zinxhirët

Ministria e Mbrojtjes: Situata nën kontroll, vijon qarkullimi normal (E PLOTË)

Vështirësi në rrugë dhe ndërprerje energjie, probleme nga bora në Bulqizë

Reshjet e dëborës, ndërprerje energjie dhe bllokim rrugësh në disa zona (DETAJE)

Moti i keq në Shqipëri, reshjet intensifikohen gjatë mbrëmjes në jug të vendit

Lumi Osum arrin në kuotat maksimale, 3 fshatra pa energji elektrike në Berat

Injoruan policinë për zinxhirët, turistët bllokohen në Voskopojë

Reshjet/Krifca: Në ndjekje dinamike të nivelit të prurjeve. Strukturat në gatishmëri

Moti i keq, MM: Situata nën kontroll, asnjë rrezikshmëri për qytetarët dhe banesat