Sport

Norvegjezi Magnus Carlsen, ruan lehtësisht titullin e kampionit të botës në shah…

11 Dhjetor 2021, 18:32 Nga DOSJA

Norvegjezi Magnus Carlsen, ruan lehtësisht titullin e kampionit të

EMIRATET E BASHKUARA – Nga pesë kampionatet botërore të shahut që Magnus Carlsen ka luajtur që nga viti 2013, ky ka qenë më i frikshmi, më i përgjakshmi. Të premten, më 10 dhjetor, në Dubai, norvegjezi ruajti kurorën e tij botërore, pasi fitoi ndeshjen e 11-të të turneut (planifikuar për 14 ndeshje) kundër kundërshtarit të tij rus Ian Nepomniachtchi.

Me katër fitore në llogarinë e tij dhe asnjë humbje, Magnus Carlsen kryesoi 7.5-3.5 pikë, duke e bërë të pavlefshëm vazhdimin e garës ditën e sotme… Megjithatë, fillimi i turneut nuk e paralajmëroi një brutalitet të tillë. Natyrisht i përgatitur mirë, mjaft i qetë, ndërkohë që numri një i botës dukej paksa i tensionuar, Ian Nepomniachtchi, lojtari i 5-të i botës, e mbajti lart nivelin ndaj një kundërshtari që e njeh mirë: të dy të lindur në 1990.

Pesë ndeshjet e para përfunduan në barazim dhe pamë fantazmën e kampionatit të kaluar botëror, të luajtur në vitin 2018, ku as Magnus Carlsen dhe as kundërshtari i tij në atë kohë, italiani Fabiano Caruana, nuk arritën të fitonin as përballjen më të vogël.

Dymbëdhjetë barazime në dymbëdhjetë ndeshje, një reflektim i mërzitshëm i lojës së shahut në nivelin më të lartë, ku diferencat midis mjeshtrave të mëdhenj janë minimale… Gjithçka u vendos më pas në lojërat me ritme të shpejta, një zonë ku norvegjezi nuk ka asnjë rival tjetër.

Por kjo nuk ndodhi këtë herë. Pika e kthesës në turneun e Dubait erdhi në lojën e gjashtë. Rusi Ian Nepomniachtchi u çekuilibruar deri në ndeshjen e 11-të, ku u fiksuar rezultati 7.5-3.5 pikë për norvegjezin Magnus Carlsen, i cili për të pestën herë ruajti titullin e kampionit të botës në shah.

B.T (Dosja.al)

Cila mendoni se është alternativa më e mirë:

View Results

sport sport 1 milion dollare gur shahu abdullah sultan ahmad shah ka luajtur që nga viti 2013 kampionatet botërore të shahut që magnus carlsen kampioni ne lojen e shahut kundërshtarit të tij rus ian nepomniachtchi më 10 dhjetor në dubai pasi fitoi ndeshjen e 11-të të turneut ruajti kurorën e tij botërore turneun e dubait 1 milion dollare gur shahu abdullah sultan ahmad shah ka luajtur që nga viti 2013 kampionatet botërore të shahut që magnus carlsen kampioni ne lojen e shahut kundërshtarit të tij rus ian nepomniachtchi më 10 dhjetor në dubai pasi fitoi ndeshjen e 11-të të turneut ruajti kurorën e tij botërore turneun e dubait