Aktualitet

Seks dhe prostitucion me 13-vjeçaren, arrestohen kryeinspektori e tutori në Sarandë

19 Nëntor 2021, 11:56 Nga DOSJA

SARANDË- Një tjetër skandal seksual ka ndodhur në Sarandë, ku një 13-vjeçare është abuzuar seksualisht nga oficeri i Komisariatit të Policisë Kufitare Sarandë. Pas një hetimi një mujor nga prokuroria e Sarandës policia ka vënë në pranga punonjësin e policisë Petraq Rako, 63 vjeç dhe bashkëpunëtorin e tij Stefan Koloi 62 vjeç.

Të dy autorët janë arrestuar në flagrancë në vendin e siguruar nga Stefan Koloi, ku shfrytëzonte për prostitucion të miturën 13-vjeçare. Policia ka sekuestruar 2 automjete, 4 aparate celularë, një sasi vlere monetare e dyshuar si e përfituar nga veprimtaria kriminale.

Njoftimi i policisë:

Në funksion të procedimit penal të vitit 2021 të regjistruar nga Prokuroria e Rrethit Gjyqësor Sarandë, mbi bazën e akteve referuese të Komisariatit të Policisë Sarandë, pasi gjatë hetimeve në kuadër të këtij procedimi penal kanë dalë të dhëna për implikim të një punonjësi policie, nga ana e shërbimeve të Komisariatit të Policisë Sarandë në bashkëpunim me SHÇBA, më datë 18.11.2021 është finalizuar me sukses Operacioni “Shfrytëzuesit”, ku janë arrestuar në flagrancë shtetasit: • Kryeinspektor P. R., 63 vjeç, punonjës policie Trup Shërbimi në PKK Rrips; • S.K., 62 vjeç, banues në fshatin Xarrë, Konispol. Pas një hetimi një mujor nën drejtimin e Prokurorisë së Rrethit Gjyqësor Sarandë, u bë e mundur kapja dhe arrestimi në flagrancë i shtetasve të mësipërm, pasi shtetasi S.K. ka shfrytëzuar për qëllime përfitimi shtetasen e mitur L.H., 13 vjeçe, duke përshtatur një ambjent për shfrytëzimin e prostitucionit të kësaj shtetaseje. Punonjësi i policisë P.R. është arrestuar në kushtet e flagrancës, pasi ka kryer marrëdhënie seksuale me shtetasen e mitur në ambjentet e përshtatura nga shtetasi S.K.

Në cilësinë e provës materiale janë sekuestruar:
– 2 automjete;
– 4 aparate celularë;
– një sasi vlere monetare e dyshuar si e përfituar nga veprimtaria kriminale
– është vendosur sekuestro konservative ndaj ambienteve të përshtatura për ushtrimin e kësaj veprimtarie të kundërligjshme.

Materialet proceduriale të arrestimit në flagrancë të shtetasve të mësipërm do t’i kalojnë Prokurorisë pranë Gjykatës së Shkallës së Parë Sarandë për kryerjen e veprave penale “Shfrytëzim i prostitucionit”, “Marrëdhënie seksuale ose homoseksuale me të mitur”, “Prostitucioni” dhe “Mbajtja e lokaleve për prostitucion”.

ZHVILLIMET ORË PAS ORE:

Abuzimi seksual i 13-vjeçares në Sarandë, banori: Lokalin e ka mbyllur, vinin gra

FOTO/ Stefan Koloi bënte tutorin e 13-vjeçares në Sarandë

Publikohet foto-ja/ Ky është polici që abuzoi me të miturën 13-vjeçare

(f.i/dosja.al)

Cila mendoni se është alternativa më e mirë:

View Results

aktualitet aktualitet abuzimi me 13 vjecaren ne sarande operacioni shfrytëzuesit petraq rako shçba stefan koloi abuzimi me 13 vjecaren ne sarande operacioni shfrytëzuesit petraq rako shçba stefan koloi