Aktualitet

Ministrja për fëmijët ‘gjen kohë’: Po shkoja në takim pune, e neveritur nga reagimet

18 Nëntor 2021, 15:48 Nga DOSJA
Ministrja për fëmijët ‘gjen kohë’: Po shkoja

TIRANË– Ministrja për Rininë dhe Fëmijët Bora Muzhaqi ka kërkuar ndjesë për mënyrën se si iu largua gazetarëve mesditën e sotme, pas interesimit të këtyre të fundit për vrasjen e vogëlushit Mateo Vasiu në Lushnje. Në një postim në rrjetet sociale, duket se Muzhqi ka gjetur kohën e nevojshme për të kërkuar ndjesë pasi para mediave nuk dha asnjë përgjigje apo koment mbi ngjarjen e rëndë, poru largua duke thënë se ishtë bërë vonë.

Muzhaqi shton se ka ndjerë neveri për reagimet politike e mediatike që u bënë pas injorimit total që shfaqi ministrja ndaj mediave. Gjithsesi, ajo shkruan se është prekur për ngjarjen e rëndë, por përgjegjësia e saj mbi fëmijët është për aktivitetet jashtëshkollore e për këtë arsye nuk i është dukur e udhës që të japë një mendim. 

“Ndjesë nëse kam lënë shteg për keqkuptimin e kujtdoqoftë që ka pritur një përgjigje tjetër nga unë, përballë disa mediave të cilat m’u gjendën përballë duke shkuar për një tjetër takim pune. Jam thellësisht e prekur si të gjithë nga tragjedia e Fierit dhe besoj se gjithçka mund të bëhet më tutje për adresimin e çështjeve të pyetjes, do të bëhet, ashtu si duhet, nga institucionet. Detyra ime funksionale është angazhimi me programet jashtëshkollore të nxënësve e studentëve, si dhe programet e aktiviteteve për fëmijët në komunitet. Prandaj dhe nuk m’u duk e udhës të jap një opinion personal mbi fusha të tjera specifike për të cilat m’u drejtua pyetja. Ndërsa për sa i takon sarkazmës politike apo mediatike me tragjedinë, nuk kam asnjë koment. E kam neveritur gjithnjë lojën publike me dhimbjen e shkaktuar prej tragjedive. Por sot e provova shijen e saj drejtëpërdrejtë. Vdekja e dhunshme e një fëmije nuk mund të jetë kurrë arsye për të luajtur me njeri-tjetrin. Ndjesë edhe njëherë atyre që kanë keqkuptuar përgjigjen time,”- shkruan Muzhaqi.

Dosja.al publikoi me video reagimin e ministres për fëmijët, teksa u pyet nga gazetarët për rastin e Mateos së vrarë në Fier. ‘Nuk kam kohë, më duhet të largohem’ ishte përgjigjia që u tha nga Muzhaqi.

(F.m/dosja.al)

Cila mendoni se është alternativa më e mirë:

View Results

kryesore kryesore bora muzhaqi klodian çalamani mateo vasiu bora muzhaqi klodian çalamani mateo vasiu

Sondazh

Poll

MË SHUMË