Aktualitet

Falsifikimi i dokumenteve të pronave në Dhërmi! Bie në praga dhe inxhinieri

9 Nëntor 2021, 08:23 Nga DOSJA

Falsifikimi i dokumenteve të pronave në Dhërmi! Bie në praga

VLORË– Një tjetër arrestim është kryer në Bashkinë e Himarës, në kuadër të operacionit për kapjen e personave bashkëpunues që merreshin me falsifikimin e dokumenteve të tokave në Dhërmi. Gazetarja Anila Hoxha raporton se në pranga ka përfunduar inxhineri i Bashkisë së Himarës, Elton Marko. Prokuroria e Vlorës ka nxjerrë këtë urdhër ndalimi për Markon i cili është punonjës i Bashkisë Himarë dhe punon si inxhinier topograf pranë këtij institucion, i cili është marrë nën hetim për falsifikim dhe pastrim parash nga Prokuroria.

Marko falsifikoi formularin e Aktit të Marrjes së Tokës në Pronësi për ta përdorur për regjistrimin e një pasurie në fshatin Dhërmi dhe më pas e ka shitur tek persona të tjerë. Ai ka përpiluar vetë një dokument AMTP në emrin e tij dhe më pas e ka regjistruar. Pastaj topografi ka gjetur një blerës të quajtur Gerlind Muçaj, duke ja shitur këtij të fundit tek noteri tokën me vlerën 5 mijë eurove. Sipërfaqja e shitur ka qenë 3 mijë metra katrorë ndërsa vlera e çmimit të shitjes së tokës dyshohet të jetë fiktive.

Në shtator të këtij viti, në zyrat e këshillit të qarkut në Vlorë u vodhën dy dosje për pronat në Dhërmi. Ngjarja ishte inskenuar nga Drejtori i administrimit e mbrojtjes së tokës, Bardhyl Gjika, specialisti i kësaj drejtorie, Kreshnik Mino dhe një 51-vjeçar i identifikuar si Spiro Duni.

Bardhyl Gjika ish-shefi i zyrës që mbante dokumentat e pronësisë mbi tokën në këshillin e qarkut Vlorë, ka nxjerrë nga arkivat e kadastrës së këshillit të qarkut, dokumentat e marrjes së pronësisë, për të njohur të tij në fshatrat e Himarës dhe Dhërmiut. Këto dokumenta më pas i ka falsifikuar dhe në arkivë vendosën dokumentat e ndryshuara duke shtuar sipërfaqe fiktive toke. Më pas këto dokumenta nxireshin në mënyrë zyrtare për t’u paraqitur në hipotekë.

Në këtë mënyrë janë përfituar sipërfaqe të mëdha toke bujqësore dhe kullota në breg të detit. Zyrën ku falsifikoheshin dokumentat më parë e ka drejtuar vetë Klodian Troci për 5 muaj, dhe Bardhyl Gjika ishte në rolin e specialistit. Më pas Troci largohet prej andej duke i lënë vendin e drejtorit bashkëpunëtorit të tij.

Bashkëpunëtorët në krim tentuan të fshehin gjurmët duke sajuar një vjedhje të arkivës në zyrën ku punonte vete Bardhyl Gjika, mirëpo e gjithë skema e tyre u zbulua.

ZHVILLIMET ORË PAS ORE:

U arrestua sot! Inxhineri në Himarë regjistroi pronën në emër të tij (DETAJET)

(a.b)/dosja.al

Cila mendoni se është alternativa më e mirë:

View Results

aktualitet aktualitet bardhyl gjika elton marko kreshnik mino bardhyl gjika elton marko kreshnik mino