Aktualitet

Abuzimi me tenderin 7 mln lekë, SPAK në Bashkinë Durrës, sekuestron materiale

29 Tetor 2021, 08:43 Nga DOSJA

Abuzimi me tenderin 7 mln lekë, SPAK në Bashkinë Durrës,

DURRËS- Prokuroria e Posaçme kundër korrupsionit dhe Krimit të Organizuar ka zbarkuar ditën e sotme në bashkinë Durrës ku ka sekuesruar materiale dhe dosje, në lidhje me abuzimin e tenderit prej 7 milion lekësh. Mësohet se nga meterialet e sekuestruara ka rezultuar vepra penale “Shpërdorim të detyrës”, për Adriatik Velaj, Muhamet Likazhiu, Artan Taho, Pastriot Beqaraj, Indrit Matmuja, Gjergj Markola si dhe ‘Falsifikim të dokumentave’ për Riza Sulaj, Lulzime Rami dhe Albion Bushi. Për të gjithë pesonat e mësipërm është caktuar masa e sigurisë arrest me burg, përveç Lulzime Ramit, për të cilën është caktuar masa arrest shtëpie.

NJOFTIMI I PLOTË:

Prokuroria e Pocaçme Kundër Korrupsionit dhe Krimit të Organizuar, pasi ka kryer hetime në kuadër të procedimit penal nr. 25 të vitit 2021, në bashkëpunim me Drejtorinë Hetimore të Drejtorisë së Përgjithshme të Policisë së Shtetit, ka arritur të sigurojë prova të mjaftueshme, të cilat krijojnë dyshimin e arsyeshëm, se: Në procedurën e prokurimit me REF-57495-05-06-2020, të zhvilluar nga Bashkia Durrës, në periudhën maj – qershor 2020, me vlerë të fondit limit prej 7 083 000 lekë (pa TVSH), janë evidentuar shkelje ligjore, te kryera nga shtetasit A.V., M.L. dhe A.T., me cilësinë e anëtarit të grupit të specifikimeve teknike dhe përllogaritjes së vlerës së fondit limit, pranë Bashkisë Durrës, të cilat formojnë elementët e veprës penale të “Shpërdorimit të detyrës”, parashikuar nga neni 248 i K.Penal dhe nga shtetasit P.B., Gj.M., I.M., me cilësinë e anëtarit të Komisionit të Vlerësimit të Ofertave, pranë Bashkisë Durrës, të cilat formojnë elementët e veprës penale të ‘Shkeljes së barazisë së pjesmarrësve në tendera apo ankande publike’ kryer në bashkëpunim, parashikuar nga neni 258 e 25 i K.Penal.

Gjithashtu është krijuar dyshimi i arsyeshëm se, shtetasit A.B., E.R., L.R. dhe R.S., administratorë, ortakë dhe punonjës të shoqërive R&R Group sh.p.k. dhe Klosi – R Company sh.p.k., kanë konsumuar veprën penale të “Falsifikimit të dokumentave” në bashkëpunim, parashikuar nga neni 186 paragrafi i dytë i K.Penal, duke dorëzuar dokumenta të falsifikuara në kuadër të kësaj procedure prokurimi. Janë regjistruar si persona nën hetim, për veprën penale të “Falsifikimit të dokumentave”, parashikuar nga neni 186 i K. Penal edhe shoqëritë R & R Group sh.p.k., Klosi – R Company sh.p.k. dhe Ra – Mi Kompani sh.p.k., subjekte për të cilat vijojnë hetimet, përsa i përket procedurave të tjera të prokurimit ku këto subjekte kanë qenë pjesmarrëse.

Bazuar në kërkesën e Prokurorisë së Posaçme, Gjykata e Posaçme e Shkallës së Parë Për Korrupsionin dhe Krimin e Organizuar Tiranë, me vendimin nr. 90 akti datë 28.10.2021, ka vendosur; Caktimin e masës së sigurimit “arrest në burg” për shtetasit: P.B., Gj.M., I.M., A.V., M.L., A.T., R.S., A.B. Caktimin e masës së sigurimit “arrest në shtëpi” për shtetasen L.R. dhe “detyrim për t’u paraqitur në policinë gjyqësore” për shtetasen E.R. Ekzekutimi i masave të sigurimit nga policia gjyqësore pranë Drejtorisë Hetimore, Drejtoria e Përgjithshme e Policisë së Shtetit, u bë i mundur sot më datë 29.10.2021.

LAJMI KRYESOR: Abuzime me 70 mln lekë/ SPAK aksion në Tiranë e Bashkinë Durrës, 9 të arrestuar

(I.A/dosja.al)

Cila mendoni se është alternativa më e mirë:

View Results

aktualitet aktualitet adriatik velaj albion bushi artan taho gjergj markola indrit matmuja lulzime rami muhamet likazhiu pastriot beqaraj riza sulaj spak ne tirane e durres tenderi e bashkine durres adriatik velaj albion bushi artan taho gjergj markola indrit matmuja lulzime rami muhamet likazhiu pastriot beqaraj riza sulaj spak ne tirane e durres tenderi e bashkine durres