Sport

2 mln gjobë e 4 ndeshje pa tifozë! Ndëshkohen Tirana e Partizani, pezullohet Daja

27 Tetor 2021, 16:17 Nga DOSJA

2 mln gjobë e 4 ndeshje pa tifozë! Ndëshkohen Tirana e Partizani,

TIRANË– Federata Shqiptare e Futbollit ka ndëshkuar me 2 milionë lekë ekipin e Tiranës dhe të Partizanit pasi gjatë ndeshjes së derbit që u luajt dy ditë më parë shkatërruan stadiumin “Air Albania” dhe thyen të paktën 250 stola. Në njoftimin zyrtar FSHF bën me dije se ekipi i Tiranës dhe ai i Partizanit do të duhet të dëmshpërblejë dëmet e shkaktuara në stadium brenda 15 ditëve. Ndërsa zyrtari i FK Partizani, Ilir Daja, për protestë ndaj vendimeve të zyrtarit të ndeshjes, me gjeste dhe fjalë ofenduese, dënohet me dy ndeshje pezullim nga aktiviteti.

Njoftimi zyrtar:

KF Tirana, për dështim në përmbushjen e detyrimeve dhe përgjegjësive, sjelljes së gabuar të spektatorëve, hedhjen e sendeve në terrenin sportiv, dëmtimin e mjediseve sportive dhe pajisjeve sportive, në bazë të neneve 64/1, 64/5, 65/1, 65/3/a, 65/3/c dhe 65/3/f të KDS, dënohet me gjobë në masën 200.000 (dyqind mijë) lekë. KF Tirana, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.

FK Partizani, për sjellje të gabuar të spektatorëve, hedhjen e sendeve në terrenin sportiv, dëmtimin e mjediseve sportive, pajisjeve sportive dhe duke shkaktuar ndërprerjen e përkohshme të lojës, në bazë të neneve 65/2, 65/3/a, 65/3/c, 65/3/f dhe 65/4/b të KDS, dënohet me gjobë në masën 200.000 (dyqind mijë) lekë dhe zhvillimin e 4 (katër) ndeshjeve pa spektatorë. Në zbatim të nenit 32/1/2/3 të KDS, vendoset pezullimi i pjesshëm i zbatimit të dënimit pas shlyerjes së gjysmës së tij. Periudha e pezullimit me kusht, në zbatim të nenit 32/4 të KDS, do të jetë 6 (gjashtë) muaj. FK Partizani, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.

Zyrtari i FK Partizani, Ilir Daja, për protestë ndaj vendimeve të zyrtarit të ndeshjes, me gjeste dhe fjalë ofenduese, në bazë të nenit 55/2 të KDS, dënohet me 2 (dy) ndeshje pezullim nga aktiviteti.

(F.m/dosja.al)

Cila mendoni se është alternativa më e mirë:

View Results

sport sport federata shqiptare e futbollit fk partizani fk tirana federata shqiptare e futbollit fk partizani fk tirana