Aktualitet

Durrës: Kontrabandë ilaçesh dhe teste Covid, arrestohen 4 persona, 2 ishin doganierë

25 Tetor 2021, 13:57 Nga DOSJA
Durrës: Kontrabandë ilaçesh dhe teste Covid, arrestohen 4

DURRËS – Policia e Durrësit, nëpërmjet operacionit të koduar “Porosia”, ka arrestuar ditën e sotme 4 persona, 2 nga të cilët ishin në pozicionin e doganierit pasi fusnin kontrabandë medikamente mjekësore.

Janë arrestuar Granit Kërxhaliu 35 vjeç nga Kukësi dhe Behar Lleshi, 57 vjeç, nga Kosova por banonte në Londër. Në prangat e policisë kanë rënë gjithashtu edhe dy doganierët Artan Topuzi 58 vjeç dhe Enkel Shehi, 52 vjeç nga Durrësi pasi kishin neglizuar kontrollin e mjetit.

Policia u ka gjetur në furgon kamera sigurie, ilaçe dhe disa teste Covid, të cilat do të futeshin kontrabandë në vendin tonë.

Njoftimi i Policisë:

Finalizohet operacioni policor i koduar “Porosia”, për goditjen e kontrabandës me medikamente mjekësore. Operacioni nga Sektori për Hetimin e Krimeve Ekonomike dhe Financiare në DVP Durrës. Vihen në pranga 4 shtetas, 2 prej tyre doganierë. Sekuestrohen një sasi medikamentesh, kamera sigurie dhe Rapid Test Antigen.

Strukturat për Hetimin e Krimeve Ekonomike dhe Financiare në DVP Durrës, në vijim të punës për parandalimin dhe goditjen e paligjshmërisë, në bazë të informacioneve të mara në rrugë operative se disa shtetas po transportonin medikamente mjekësore dhe sende të tjera të paligjshme, pa dokumentacionin përkatës, kanë organizuar punën dhe kanë finalizuar me sukses operacionin policor të koduar “Porosia”, në kuadër të të cilit u arrestuan në flagrancë për veprat penale “Kontrabanda me mallra të tjera”, “Kontrabanda me mallra të licencuara” dhe “Tregtimi dhe transportimi i mallrave që janë kontrabandë”, shtetasit:

G. K., 35 vjeç, banues në Kukës dhe B. Ll., 57 vjeç, lindur në Kosovë dhe banues në Londër. Shërbimet e Policisë kanë ndaluar në lagjen nr.13, Durrës, një mjet furgon tip “Mercedes Benz”, me drejtues shtetasin G. K. dhe pronar shtetasin B. Ll. Gjatë kontrollit në këtë mjet janë gjetur dhe sekuestruar në cilësinë e provës materiale një sasi medikamentesh të ndryshme mjekësore, kamera sigurie dhe Rapid Test Antigen.

Në vijim të veprimeve hetimore, specialistët për Hetimin e Krimeve Ekonomike dhe Financiare arrestuan në flagrancë edhe shtetasit A. T., 58 vjeç dhe E. Sh., 52 vjeç, me detyrë doganier, të dy banues në Durrës. Këta shtetas dyshohet se kanë shpërdoruar detyrën duke mos kryer kontrollin e imtësishëm të mjetit ku u gjetën mallrat kontrabandë. Materialet i kaluan Prokurorisë së Rrethit Gjyqësor Durrës, për veprime të mëtejshme.

(m.k/dosja.al)

Cila mendoni se është alternativa më e mirë:

View Results

aktualitet aktualitet durres kontrabande ilacesh policia e durresit rapid test durres kontrabande ilacesh policia e durresit rapid test

Sondazh

Poll

MË SHUMË