Politike

Holanda i tha ‘jo’ Shqipërisë, Kryemadhi: Na dha një shuplakë të fortë, armiqtë tanë janë miqtë e Rilndjes

13 Qershor 2019, 09:50 Nga DOSJA
Holanda i tha ‘jo’ Shqipërisë, Kryemadhi: Na dha një

TIRANË– Monika Kryemadhi ka bërë një koment lidhur me ‘jo’-në që i dha Holanda Shqipërisë një natë më parë. Në një status në rrjetet scoiale, Kryemadhi shkruan se kjo përgjigje i ka dhënë fund shpresës së shqiptarëve për hapjen e negociatave.

Kryetarja e LSI-së shkruan më tej se armiqtë e shqiptarëve janë miqtë më të ngushtë të qeverisë së Rilindjes, krimi i organizuar dhe korrupsioni i frikshëm.

Ajo theksoi më tej se Holanda e di këtë gjë dhe se për këtë arsye ka dhënë këtë përgjigje në mënyrë që Shqipëria të shohë veten në pasqyrë.

Kryemadhi vijon më tej teksa shkruan se Shqipëria është e fundit realisht në proceset e integrimit

Reagimi i plotë i Monika Kryemadhit

Hollanda dje i dha fund shpresës për çeljen e negociatave këtë qershor, duke shpjeguar qartë arsyet kryesore të këtij vendimi.

Parlamenti hollandez na vuri para një pasqyre ku ne duhet të shohim veten, qeverinë dhe realitetin në të cilin jetojmë. Votimi i mbrëmshëm ishte një shuplakë e fortë për qeverinë e krimit të organizuar, manipulimit zgjedhor, mashtrimit, korrupsionit dhe gënjeshtrës. Mbrëmë Parlamenti hollandez e tha qartë të vërtetën e moshapjes së negociatave, dy armiqtë e shqiptarëve janë krimi i organizuar dhe korrupsioni i frikshëm, të cilët për fat të keq të shqiptarëve janë miqtë më të ngushtë të qeverisë së Rilindjes. Bashkë me to vjedh zgjedhjet dhe së bashku grabisin pronat dhe taksat e shqiptarëve. Parlamentarët hollandezë shkuan edhe më tej duke i treguar burokracisë europiane se nuk mund të tallen as me parlamentet e vendeve anëtare të BE dhe as me shqiptarët. Problemet madhore me të cilat po ndeshet Shqipëria nuk mund të fshihen as me gafa dhe as me të puthura të zgjatura midis burrash.
Lajmi shumë i keq për Shqipërinë është se tashmë u nda edhe nga grupi i Maqedonisë së Veriut, për të cilën Holanda dha dritën jeshile për të vazhduar më tej në rrugën e integrimit evropian. 
Ky votim i Parlamentit hollandez, tregon qartë që nuk ka euroskeptikë për zgjerimin, por shtete që e meritojnë dhe ata që nuk e meritojnë. Procesi i integrimit është proces meritash në reforma dhe jo i demagogjisë dhe mashtrimit. 
Sot jemi të fundit realisht në proceset e integrimit. Dhe për këtë fajtorët janë krimi i organizuar dhe korrupsioni, të cilët kanë kumbar të tyre Edi Ramën.
Qesharake të mendosh, se vetëm pak javë më parë, nga Hollanda delegacionet e Kuvendit gjysmak dhe atyre të ministrave “të zotë” rigënjyen shqiptarët tashmë nga ekranet e televizioneve që kishin me vete se Hollanda do të hapë negociatat. Mashtrues të paskrupullt dhe qesharakë deri në dhimbje. Kush do mbajë përgjegjësi për mashtrimin publik të shqiptarëve?! 
Ata harrojnë se integrimi europian nuk është lobim dhe as shitje e produktit të skaduar. 
Integrimi do të thotë standarde, mirëqeverisje, mirëqenie për qytetarët. Seriozitet dhe besueshmëri me partnerët. Kjo është ajo ç’ka mungon sot dhe është për të ardhur keq që kanë kaluar 3 vite që qeveria i shet negociatat si të çelura dhe çdo vit ne presim me padurim hapjen e një kapitulli historik për vendin.

Trinomi Edi Rama, krimi i organizuar dhe korrupsioni tashmë nuk mbajnë peng vetëm kumbarin dhe Partinë Socialiste, por në radhë të parë Shqipërinë dhe ëndrrën europiane të të gjithë shqiptarëve.

Ndaj përballë këtij trinomi të së keqes, nuk duhet të bëjmë asnjë hap pas! 
Të gjithë bashkë në betejën tonë për të çliruar të ardhmen e shqiptarëve nga vargojntë e krimit të organizuar dhe korrupsionit të pafre të Rilindjes!

Një ditë më parë ministri holandez, Stef Block doli sërish kundra hapjes së negociatave të Shqipërisë me BE-në.

“Shqipëria ka ende shumë rrugë për të bërë,”- u shpreh ministri i punëve të Jashtme në Dhomën e Ulët.

(f.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike hapja e negociatave holanda per shqoperine monika kryemadhi hapja e negociatave holanda per shqoperine monika kryemadhi

Sondazh

Poll

MË SHUMË