Politike

VD-E përmendi Basha! Rama mbron Kastratin: Ti vë gjoba, shko në SPAK!

14 Tetor 2021, 10:14 Nga DOSJA

VD-E përmendi Basha! Rama mbron Kastratin: Ti vë gjoba, shko në

TIRANË– Kryeministri Edi Rama mbrojti ditën e sotme në Kuvendin e Shqipërisë, biznesmenin Shefqet Kastratin, pas akuzave që i bëri kryedemorkati Lulzim Basha për kontrabandë nafte. Rama iu drejtua Bashës, duke i thënë se si guxon të akuzojë një person. Rama i tha se këto akuza që ai bën janë gjoba ndaj nëse ka diçka konkrete të shkojë dhe të denoncojë në SPAK.

Edi Rama: Ti thua tani që çmimi i energjisë qenka i rritur. Je “delusional”. Ishte një fashë që mbronte të pamundurit. Por tek shifrat mbas presjes ti e ke toleancën ‘un-limited’. Çfarë rezultonte që në atë fashën poshtë kishte hyrë kuçi dhe maçi. Ne e hoqëm fashën dhe çmimin e çuam në 9.5 lekë për të gjithë familjarët dhe shumicën e atyre që deri në atë vit, paguanin 13.2 lekë. Natyrisht për ata që e paguanin 7.7 me hile u rrit. Ata që e meritonin, ne vendosëm mburojën sociale. Nuk ka nevojë që të bëjmë ballafaqime. Faktet nuk janë opinione. Faktet janë fakte. Energjia në faturën e familjeve shqiptare që nuk ishin brenda kategorive të fashës ka qenë 13.2 u bë 9.5 lekë. Për ata të tjerët u rrit. Ky shtet paguan para dhe kompenson diferencën. Ke ide që mund të ulet. Hajde thuaje. Ta diskutojmë. Mos thuaj u rrit. Sa i përket kontrabandës, se akuzove një person. Ka shifra. Në vitin 2013, por edhe në 2012. Shdoganonit 313 ton naftë, por tani bëhet 481 ton. Si akuzon një person. E bën edhe në mënyrë folklorike. Se unë ndryshe nga ti nuk marr nëpër gojë njerëz. E di Shqipëria që këto janë gjobë. Papritur mbaron sulmin. Formulo denoncimin dhe shko tek SPAK-u. Për të na ndjekur nga mbapa në sensin që ça themi ne, bëjnë ata. Je dhe djalë që kupton. Unë nuk e fsheh që po patjetër, në çmimin e karburantit ka një taksë karboni. Sot në krizë, shqiptarët e blejnë më shtrenjtë apo më lirë? Është fakt! Çmimi në benzinatë me taksën e karbonit nuk ka për t’u hequr. Besojmë se kush ndot më shumë, paguan më shumë.