Bota

Drejtori i Policisë: 10 efektiv u lënduan gjatë aksionit kundër kontrabandimit

13 Tetor 2021, 15:27 Nga DOSJA

Drejtori i Policisë: 10 efektiv u lënduan gjatë aksionit

KOSOVË– Detaje të reja kanë dalë nga situata e tensionuar në veri të Kosovës, ku është raportuar se grupe kriminale në mënyrë të organizuar kanë përdorur armë zjarri e mjete të rrezikshme.

Lajmi është bërë i ditur nga Drejtori i Policisë së Kosovës, Samedin Mehmeti në një konferencë për shtyp ku u tha se sot në veri të Kosovës janë sulmuar pjesëtarët e Policisë së Kosovës e Doganës, e madje edhe gazetarët me qëllim që t’i pengojnë në kryerjen e detyrës së tyre.

Mehmeti tha se “grupe kriminale në mënyrë të organizuar kanë bllokuara rrugën, kanë hudhur bombola gazi, kanë përdorur mjetet transportuese, kanë shtënë me armë zjarri, kanë hudhur shok-bomba, granata të dorës, me qëllim të pengimit dhe sulmit ndaj zyrtarëve doganor e policor që ishin në kryerje të detyrës”.

“Policia e Kosovës është detyruar të ndërmarr veprime policore me mjete të ndryshme dhe të nevojshme ligjore me qëllim të ofrimit të sigurisë ndaj zyrtarëve policor por edhe qytetarëve që nuk kanë pasur të bëjnë me rastin”, theksoi Mehmeti.

Drejtori i Policisë së Kosovës prezantoi edhe fotografi se si janë dëmtuar automjetet e Policisë së Kosovës gjatë kësaj kohe ku bëri të ditur se të lënduar janë dhjetë zyrtarë policor.

“Si pasojë 10 zyrtarë kanë pësuar lëndime, 7 shqiptarë, tre prej tyre hetues, tre operatorë të njësisë speciale e tre të reagimit të shpejtë. Një nga personat e përfshirë në sulm ndaj zyrtarëve po ashtu është lënduar. Nuk e kemi konfirmuar ende nëse ka marrë lëndim nga ana e Policisë apo nga gjuajtjet që ka pasur nga qytetarët”, ka thënë Mehmeti.

Mehmeti tha sot se Policia e Kosovës ka realizuar aksionin në disa lokacione të ndryshme në koordinim me prokuroritë dhe gjykatat kompetente. Mehmeti tha që ishin planifikuar të realizoheshin sot gjatë ditës 26 kontrolle ne lokacione të ndryshme, në dy raste të quajtur “Rio” e “Mjekrra”, për të cilat tha se dyshohet se ka pasur rrjedhje të informacionit.

Lajmi kryesor/Tensione në Kosovë! Serbët në Veri sulmojnë Policinë, 8 të arrestuar, edhe shqiptarë

(d.a/dosja.al)

Iftar dhe politikë, a u prek Muaji i Ramazanit nga politikanët?

View Results

diaspora diaspora policia e kosoves samedin mehmeti tensionet në veri të kosovës policia e kosoves samedin mehmeti tensionet në veri të kosovës