Aktualitet

Vrasja e kryepolicit të Shkodrës në vitin 2000, SPAK rihap hetimet, ngjarja ka qenë e manipuluar

8 Tetor 2021, 12:30 Nga DOSJA
Vrasja e kryepolicit të Shkodrës në vitin 2000, SPAK rihap

SHKODËR- Prokuroria e Posaçme kundër Korrupsionit dhe Krimit të Organizuar (SPAK) ka rihapur hetimet për vrasjen e ish-kryepolicit të Shkodrës në vitin 2000, Arben Zylyftari. Hetimet janë rihapur pasi palët pretendojnë se ngjarja është manipuluar.

Nga SPAK do të merren në pyetje të gjithë personat që kanë dijeni për ngjarjen, ndërkohë që ditën e sotme është pyetur avokati i Admir Tafilajt (I dënuar për vrasjen e Zylyftarit), Sokol Koçiu. Një tjetër i dënuar për vrasjen e tij është edhe Genc Tafili, i cili u lirua nga ish-gjyqtarja Enkelejda Hoxha dhe është shpallur sërish në kërkim. 

Mësohet se personi i parë i marrë në pyetje Sokol Koçiu, ish-avokati i Admir Tafilajt, i dënuar përjetë për vrasjen e ish kryepolicit te Shkodrës.

Drejtori i Policisë në Shkodër Arben Zylyftari mbeti i vrarë më 2 gusht 2000, gjatë një operacioni që po zhvillonte për kapjen e dy personave të kërkuar, Bahri Sulejman Tafili dhe djalin e tij Admir Tafili. Sapo mbërriti në vendngjarje, ai u qëllua me breshëri kallashnikovi nga Tafilajt. Zylyftari ishte një prej emrave më të njohur në Policinë e vendit tonë. Ai ka drejtuar komisariatet dhe drejtoritë e policisë në Skrapar, Vlorë, Korçë, Lezhë dhe për pak muaj mbajti postin e drejtorit në Policinë e Shkodrës.

(I.A/dosja.al)

Iftar dhe politikë, a u prek Muaji i Ramazanit nga politikanët?

View Results

aktualitet aktualitet admir tafili arben zylyftari enkelejda hoxha genc tafili sokol koçiu spak admir tafili arben zylyftari enkelejda hoxha genc tafili sokol koçiu spak

Sondazh

Poll

Aktualitet 8 Tetor 2021, 15:35

TIRANË– Detaje të reja janë mësuar nga dosja hetimore lidhur me vdekjen e çiftit në Tiranë, vetëm 6 ditë më parë. Gazetarja Anila Hoxha ka bër...

MË SHUMË