Bota

Fotot/ Ankandi i arsenalit dhe sendeve personale të Al Capone; kryegangsteri që adhuronte dhunën e xhevahirët

7 Tetor 2021, 19:43 Nga DOSJA
Fotot/ Ankandi i arsenalit dhe sendeve personale të Al Capone;

SHBA – Mbesat e Alphonse, i njohur si “Al” Capone, një prej gangsterëve më famëkeq të vendit, po nxjerrin në ankand një mori thesarësh të gangsterit të famshëm që përfshijnë armën e tij “të preferuar” dhe letrat drejtuar djalit të tij që ai i shkroi nga burgu.

Ankandi me seli në Kaliforni do të zhvillohet drejtpërdrejtë në datën 8 tetor. Ndër artikujt më tërheqës të listuar në koleksion është arma e preferuar e sulmuesit të pamëshirshëm, një pistoletë Colt .45 që është kaluar nëpër brezat e pasardhësve të Capone dhe do të nisi me çmimin e shtijes 50,000 dollarë.

Koleksioni, i quajtur “Një shekull famëkeq: Prona e Al Capone”, përfshin gjithashtu një orë xhepi platin Patek Philippe të monogramuar me 90 diamante të prera me një çmim prej 12,500 dollarësh dhe një thikë xhepi të kombinuar me orën të monogramuar me 20 diamante. Koleksioni përfshin gjithashtu mobilje dhe orendi shtëpie që i përkisnin Capone dhe gruas së tij, Mae, si dhe fotografi familjare, filma dhe disa nga sendet e djalit të vetëm të Capones, Sonny. Në total, koleksioni pritet të shitet për 700,000 dollarë, megjithëse çmimet gjithmonë mund të jenë shumë më të larta në ankand.

Në vitin 2017, një prej orëve diamanti të Capones u shit për më shumë se 84,000 dollarë, mbi tre herë vlerësimin e saj para ankandit.

(m.k/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota al capone ankand i al capone al capone ankand i al capone

Sondazh

Poll

MË SHUMË