TIRANË– Vendimi i Konferencës së Kryetarëve për të kaluar online punën e Komisioneve Parlamentare me arsyetimin se duhet të ruhen rregullat e distancimit social dhe pandemisë COVID19, ka vijuar me përplasje mes maxhorancës dhe opozitës. Edhe sot, njësoj si dje, deputetët e opozitës kanë shkuar fizikisht në Komisionet Parlamentare të parashikuara për tu mbledhur ditën e sotme, ndërsa maxhoranca apeloi që deputetët të marrin pjesë në komisione online.
Punimet janë duke vazhduar në Komisionin e Edukimit dhe Arsimit, ku opozita u largua më herët, ndërsa mbledha është duke u zhvilluar online dhe po drejtohet nga zv.kryetari i Komisionit, Petro Koçi. Më herët, deputeti i Partisë Demokratike, Agron Gjekmarkaj tha se situata është absurde dhe se nuk iu dha fjala.
“Gjendemi përballë një situate absurde. Mazhoranca nuk u paraqit sepse nuk do ballafaqimin me opozitën. Kukullat e Edi Ramës nuk duan të diskutojnë për çështjen arsimit. Kanë shumë gjëra që duan ti kalojnë në mënyrë që mos të përballen me opozitë.”-tha Gjekmarkaj në dalje të mbledhjes.
Ndërkohë që në dy komisionet e tjera, në atë të Ekonomisë dhe Veprimtarive Prodhuese, kryetari Eduart Shalsi vendosi ti jepte fjalën deputetëve të opozitës, duke iu kërkuar të hyjnë në platformën online, ndërsa shtoi se nëse do të lejohet prania fizike në sallë atëherë do të kërkohet certifikata e vaksinimit.
“Ju dhashë fjalën, secili mund ta marrë fjalën. Do ju kërkoja të respektoni etikën. Një nga debatet më të rëndësishme që duhet të bëjmë është ajo që po bën bota mbledhje online, komisione, jo vetëm sa kohë është pandemia por edhe post pandemisë. Nuk do të ketë prani fizike pa një certifikatë vaksinimi, ndërkohë që do të ndjekim edhe shifrat. Duhet të jemi të vëmendshëm dhe të kujdesshëm. Nëse do të logeni mirë nëse, jo do të duhet të vini këtu.”- tha Shalsi.
Kjo situatë për deputetin e PD, Edmond Spaho është një marrëzi që tregon se PS ka frikë nga diskutimet. ‘Kjo që po bëni është një marrëzi e madhe. Në një kohë që po hapen shkollat dhe ndiqen fizikisht, e Kuvendi zhvillon seancë plenare me prani fizike ju insistoni që ta bëni punën online. Kjo trego se ju keni frikë nga debatet.’- tha Spaho.
Në përfundim të punimeve të Komisionit, kryetari i grupit parlamentar të Partisë Socialiste, Taulant Balla deklaroi se javën e ardhshme do të mblidhet sërish Konferenca e Kryetarëve dhe pritet që ti jepet “OK”, kthimit të deputetëve në komisione, përmes kushtit të provimit se janë të vaksinuar.
(F.g;a.b/dosja.al)
Iftar dhe politikë, a u prek Muaji i Ramazanit nga politikanët?
TIRANË– Deputetët e Partisë Demokratike, të pranishëm fizikisht në Komisionin e Ekonomisë, kërkuan ditën e sotme krijimin e kushteve për të patur një...
TIRANË– Kryetari i Partisë Demokratike, Lulzim Basha ka shkuar sot për homazhe në Pallatin e Kongreve, për të nderuar figurën e nënkomisarit Saimir H...
TIRANË- Presidenti Ilir Meta ka nderuar nënkomisarin e rënë në krye të detyrës, dje në Lezhë Saimir Hoxha. I shoqëruar nga këshillatari i tij për mediat, T...
TIRANË– Kryeministri Edi Rama ka zgjedhur që këtë mandat të tretë, ku e saponis marrjen e detyrës të ndryshojë edhe modalitetet e prezantimit në publ...
TIRANË– Deputeti Erion Braçe kërkoi nga anëtarët e Komisionit të Ekonomisë që të mos krijojnë debate politike nëse nuk është e nevojshme. Thir...
TIRANË– Konferenca e Kryetarëve do të diskutojë javën që vjen mundësinë që mbledhjet të zhvillohen në mënyrë tradicionale, pra në sallë. Kjo ishte de...
TIRANË– Partia Demokratike ka ndarë pamjet brenda sallës së Kuvendit, ku ishin të pranishëm për të zhvilluar mbledhjen e Komisionit të Veprimtarisë P...
TIRANË– Ish-ministri i Brendshëm, Sandër Lleshaj kërkon që shoqëria të ngrihet në protestë pas vrasjes së nënkomisarit Saimir Hoxha në Lezhë. Gjatë n...
TIRANË– Ministri i Brendshëm, Bledi Çuçi ka deklaruar para gazetarëve se shumë shpejt Drejtoria e Policisë do të dalë me informacionin ...