Bota

Gjetën tre emigrantë të vdekur pranë kufirit me Bjellorusinë, Polonia shpall përkohësisht gjendjen e jashtëzakonshme dhe

20 Shtator 2021, 17:47 Nga DOSJA
Gjetën tre emigrantë të vdekur pranë kufirit me

POLONI– 500 trupa shtesë janë dërguar nga Polonia në kufi me Bjellorusinë, për të forcuar mbrojtjen nga rritja e numrit të emigrantve.
Mediat e huaja shkruajnë së autoritetet në Varshavë mendojnë se kjo është orkestruar nga Bjellorusia dhe Rusia për destabilizimin e Bashkimit Europian.

“Po përballemi me një aksion të mirëorganizuar nga Minsku dhe Moska. Ne do të mbrojmë kufinjtë e Polonisë me vendosmëri të plotë”, tha në një konferencë për shtyp kryeministri polak, Mateusz Morawiecki.

Ky vendim vjen pasi tre emigrantë, mes tyre edhe një burrë irakian, u gjetën të vdekur pranë kufirit bjellorus këtë të dielë. Emigrantët kishin vdekur nga lodhja dhe hipotermia.
Rojet kufitare panë gjithashtu trupin e një gruaje pranë kufirit, në anën bjelloruse, sipas shefit të sigurisë kufitare, gjeneralit, Tomasz Praga.

Vendet e Bashkimit Europian, Polonia dhe Lituania, të cilat bëjnë pjesë në kufirin e bllokut lindor, po përballen me një rritje të madhe të emigrantëve në zonën kufitare me Bjellorusinë. Ata pretendojnë se ky është një “sulm hibrid”, nga regjimi i presidentit bjellorus Aleksandër Lukashenko, për destabilizimin e BE.

Kryeministri polak, Morawiecki thotë se emigrantët nga Lindja e Mesme dhe Afrika paguajnë shuma të mëdha parash në Bjellorusi për “iluzionin” e transferimit të tyre drejt Gjemanisë, por më pas lihen nga bjellorusët në pyjet pranë kufirit me Poloninë.

Polonia dhe Lituania po ndërtojnë gardhe me tela, kanë shtuar masat e sigurisë dhe kanë vendosur gjendje të jashtëzakonshme të përkohëshme në kufi, për ndalimin e emigrimit të paligjshëm.

(i.d.Dosja.al)

Iftar dhe politikë, a u prek Muaji i Ramazanit nga politikanët?

View Results

bota bota emigrantet e paligjshem ne poloni emigrantet e paligjshem ne poloni

Sondazh

Poll