Sport

Neymar, ironi me gazetarët për peshën e tij: ”I shëndoshë dhe i mirë me topin”

10 Shtator 2021, 09:55 Nga DOSJA

BRAZIL – Duke folur në mikrofonat televizivë, sulmuesi Neymar foli për suksesin e Brazilit të tij kundër Perusë dhe rekordin e ri të vendosur, si një lojtar i “seleçao” me më shumë gola në ndeshjet kualifikuese: 12, kundër 11 për Romario dhe Zico.

“Gjëja më e rëndësishme është ekipi, por në të njëjtën kohë jam shumë i lumtur që do të jem golashënuesi më i mirë në kualifikueset e ekipit kombëtar dhe nëse gjithçka shkon mire, shpresoj ta kaloj edhe Pelé.”

Kujtojmë që “O Rey” është golashënuesi më i mire i Brazilit me 77 gola, kundrejt 69-të të asit të Paris SG, i cili heq edhe disa guralecë kundër gazetarëve, të cilët janë tallur me peshën e tij ideale.

Nuk është rastësi, që sulmuesi pas golit të shënuar, tregoi të gjithë barkun e tij, duke postuar gjithashtu një fotografi në Instagram të shoqëruar me komentin: “I shëndoshë dhe i mirë me topin”.

Dhe drejton gishtin tek media: “Ndonjëherë as nuk më pëlqen të flas në intervista, por në momente të rëndësishme dua ta them mendimin tim”.