TIRANË– E premtja është ditë e rëndësishme për politikën shqiptare, pasi Kuvendi çel punimet për herë të parë pas zgjedhjeve të përgjithshme të 25 prillit. Lidhur me këtë datë, botuesi Mero Baze ka analizuar se çfarë do të ndodhë, duke parashikuar…asgjë! Baze shkruan se gjithë zhurma e krijuar për shpalljen “non grata” për Sali Berishën do të trajtohet normalisht. Ai dhe kryedemokrati Lulzim Basha do të shkojnë në Kuvend, kryeministri Edi Rama do t’i sulmojë.
“Në të vërtetë, shumica e debatit është e përqendruar tek fakti perse hesht Basha dhe jo pse po reziston Sali Berisha. Për këtë arsye të gjithë mendojnë se meqë e premtja do të vijë, ai do të ketë një ditë që nuk ka nga t’ia mbajë. E vërteta është se të premten nuk do të ndodhë asgjë e re. Lulzim Basha dhe Sali Berisha do të jenë të dy në Parlament, ambasadorja e SHBA në shenjë proteste do të mungojë në llozhën e Parlamentit, ndoshta të njëjtën gjë do të bëjë dhe ambasadori i BE në Tiranë, Luljeta Bozo do të hap Parlamentin, Edi Rama do të marrë mandatin e kryeministrit, dhe mezi do të presë ngritjen e Berishës në podium që ta akuzojë…,”-shkruan Baze.
SHKRIMI I PLOTË:
Shtetet e Bashkuara të Amerikës përsëritën sot paralajmërimet për një Parlament ku nuk mund të jenë pjesë persona që gjenden në “Listën e zezë” të Qeverisë amerikane, duke nënkuptuar “qëndrestarin” e fundit të kësaj liste, Sali Berisha, i cili refuzon presionin amerikan. Në qendër të debatit publik janë vendosur sjelljet e çuditshme te Lulzim Bashës, heshtja e tij ndaj këtij debati, “sëmundja” e babait apo vjehrrit për të mos marrë pjesë në mbledhje, dhe mbi të gjitha faktet e bëra publike se ai ka shkelur një pakt me diplomatët amerikanë në Tiranë, rreth kësaj çështje. Në të vërtetë, shumica e debatit është e përqendruar tek fakti perse hesht Basha dhe jo pse po reziston Sali Berisha. Për këtë arsye të gjithë mendojnë se meqë e premtja do të vijë, ai do të ketë një ditë që nuk ka nga t’ia mbajë.
E vërteta është se të premten nuk do të ndodhë asgjë e re. Lulzim Basha dhe Sali Berisha do të jenë të dy në Parlament, ambasadorja e SHBA në shenjë proteste do të mungojë në llozhën e Parlamentit, ndoshta të njëjtën gjë do të bëjë dhe ambasadori i BE në Tiranë, Luljeta Bozo do të hap Parlamentin, Edi Rama do të marrë mandatin e kryeministrit, dhe mezi do të presë ngritjen e Berishës në podium që ta akuzojë…
Natyrisht që do të ketë një reagim të fortë të SHBA pas kësaj, do të ketë një izolim të Partisë Demokratike, do të ketë deklarata të zbehta të disa njerëzve brenda PD që do të vrasin mendjen si të shpëtojnë nga Berisha pa u lagur, por në PD nuk do të ndodhë asgjë. Lulzim Basha do të vazhdojë të jetë kryetari i saj, Sali Berisha do të vazhdojë të jetë tutori i saj, SHBA do të vazhdojnë të jenë kritikët e mëdhenj të saj, Edi Rama do të vazhdojë të jetë përfituesi i madh i saj dhe jeta do të vazhdojë. Të gjithë ata që mendojnë se Lulzim Basha do ta pësojë në fund prej kësaj, gabojnë. Në fund Lulzim Basha do humbasë zgjedhjet e radhës dhe do t’u thotë të gjithëve natyrisht me zë të ulët, që e humbëm dhe këtë prej Doktorit. Por meqë atë nuk e heqin, tani demokratët duhet të mësohen të durojnë dhimbjet e humbjeve prej tij. Kështu në finale të gjithë ata që mendojnë se Lulzim Basha do të gjejë ndonjë arsye se si të zbojë Berishën që të fitojë, gabojnë. Ai e ka Berishën një arsye përse mund të rrijë kryetar, edhe pse nuk fiton dot.
Prej ditësh, teksa afrohet data për nisjen e Kuvendit, vendi zien me pyetjen: A do të shkojë Berisha? Vetë ai është përgjigjur pozitivisht duke u shprehur se ende vijon betejën në emër të opozitës, ndërkohë që ka zëra kundër edhe brenda Partisë Demokratike. Shkuarjen e tij në Kuvend e ka komentuar edhe Rama, i cili u tha socialistëve se PD po shkonte në sallë me një “dhëmballë të prishur”.
(k.m/dosja.al)
Iftar dhe politikë, a u prek Muaji i Ramazanit nga politikanët?
TIRANË– Luan Rama dha dorëheqjen nga të gjitha funksionet drejtuese të Lëvizjes Socialiste për Intregrim. Mesa duket të ardhmen e tij e sheh gjetkë! ...
TIRANË– Ngjarja e rëndë e ndodhur mbrëmjen e kësaj të mërkure në spitalin COVID-19 të përfshirë nga flakët në Tetovë ka tronditur gjithë opinionin pu...
TIRANË– Ish-deputeti Gerti Bogdani, i cili ishte njëri prej anëtarëve më të votuar të Kryesisë së re të Partisë Demokratike ka folur lidhur me vendim...
Pasditen e sotme, në emisionin “Top Talk” në Top Channel të Denis Dyrnjasë ishte i ftuar ish-deputeti i opozitës, Myslim Murrizi, i cili nuk do të jetë pjesë e ...
TIRANË– Një tjetër avion i është shtuar linjës ajrore “Air Albania”. Pas “Lasgushit” e “Migjenit” flotës ajrore shqiptare i ë...
TIRANË– Ministrja e Jashtme e Shqipërisë, Olta Xhaçka në një intervistë për Zërin e Amerikës ka folur lidhur me afganët në Shqipëri. Ajo sqaroi se f...
PATOS– Kryebashkiakja e Patosit, Rajmonda Balilaj ka adresuar akuzat e ngritura ndaj saj nga deputeti i zgjedhur nga lista e PD-së për qarkun e Fierit, Lu...
BRUKSEL– Reporteri i Shqipërisë në Bashkimin Evropian, David Lega shkruan se disa vende të Ballkanit, përfshirë dhe Shqipëria janë pjesë e tregtisë ndërko...
SHBA– Ish-i dërguari special për dialogun Kosovë-Serbi, Richard Grenell i ka kushtuar një shkrim 1-vjetorit të marrëveshjes Kosovë-Serbi në Shtëpinë e Bardhë. G...
BEOGRAD– Kancelarja gjermane Angela Merkel do të vizitojë Serbinë dhe Shqipërinë më 13 dhe 14 shtator, ku do të takohet me udhëheqësit e dy vendeve, por e...