Sport

Kupa e Botës çdo dy vjet, Southgate: “Nuk do të ishte shumë e çuditshme…”

7 Shtator 2021, 11:13 Nga DOSJA

ANGLI – Disa thonë… “Po” për Kupën e Botës në çdo dy vjet. Propozimi, i cili ka qenë duke u diskutuar që Kupa e Botës të zhvillohet në çdo dy vjet dhe jo në çdo katër, tani gjen një përkrahje edhe nga ana e trajnerit Gareth Southgate. Siç raportohet nga “Sky Sports”, trajneri i Anglisë nuk dukej shumë kundër, si ndoshta disa kolegë të tjerë, rreth kësaj hipoteze.

Trajneri i “Tre Luanëve”, pas ndeshjes kundër Andorrës të fituar 4-0 nga ekipi i tij, pranoi se ai kishte folur edhe me Arsene Wenger për mundësinë e zhvillimit të Kupës së Botës çdo dy vjet: “Unë fola me Wenger. E dija që ai kishte kontakte edhe me trajnerë të ndryshëm dhe unë kisha mundësinë të diskutoja për çështje të ndryshme. Kupa e Botës në çdo dy vjet?

Përgjigjja ime është, se sinqerisht nuk e di, nëse brezi ynë mund ta gjejë këtë hipotezë një koncept të çuditshëm. Ai ka aspakte pozitive dhe aspekte negative, në linja të ndryshme mendimi”,- u shpreh Southgate. “Në çdo rast, kalendari ndërkombëtar duhet të riorganizohet mire, sepse nuk mund të shtosh gjithmonë gara. Ka shumë gjëra që duhet të merren parasysh”.

Kujtojmë, që FIFA aktualisht po kryen një studim mbi fizibilitetin e Kupës së Botës në çdo dy vjet. Në këtë kuptim, presidenti i FIFA -s, Gianni Infantino, është një mbështetës i madh i idesë së re, që është hedhur për t’u diskutuar.