GJERMANI- Pothuajse një muaj para zgjedhjeve federale të 26 shtatorit, fushata elektorale në Gjermani është në lëvizje të plotë, në një kohë kur interesi i politikës dhe medias ndërkombëtare është përqendruar në zhvillimet e shpejta të Afganistanit. Kjo ishte çështja e madhe që dominoi intervistën dhënë për DW nga kandidatja e së Majtës për Kancelare, Janine Wissler.
“Gjermania injoroi shenjat paralajmëruese”
Wissler ka fajësuar qeverinë gjermane për injorimin e paralajmërimeve të hershme për një përkeqësim të situatës në Afganistan në mënyrë që të shmangë një debat të brendshëm mbi ardhjet e reja të refugjatëve dhe emigrantëve. Kandidatja e së Majtës beson se pas dominimit të talebanëve, nuk është koha që Gjermania të tërheqë ndihmën e zhvillimit për Afganistanin.
“Unë jam absolutisht kundër shkurtimit të fondeve për bashkëpunimin e zhvillimit. Këto janë për njerëzit, të cilët vuajnë si nga duart e talebanëve ashtu edhe nga kriza e tmerrshme humanitare në vend. Sigurisht, ne duhet të ndjekim zhvillimet”, u shpreh Wissler.
Afganistani ishte një përfitues kryesor i ndihmës gjermane për zhvillim këtë vit, i cili aktualisht vlerësohet në 250 milionë euro – megjithatë këto para ende nuk janë dhwnw. Vlen të përmendet se shuma e përgjithshme e zhvillimit dhe ndihmës humanitare që Gjermania kishte planifikuar për Afganistanin këtë vit në buxhetin e saj do të arrinte në rreth 430 milion euro.
Qëndrimi i qeverisë gjermane është “i turpshëm”
Janine Wissler përdor gjithashtu një gjuhë të ashpër se si qeveria gjermane ka trajtuar personelin gjerman në Afganistan, duke folur për mungesën e një plani për largimin e tij të sigurt.
“Kjo është një mënyrë e mjerueshme për t’u marrë me stafin. Ata po heqin 65,000 litra birrë nga vendi. Në fakt, në fund të qershorit, duke pasur parasysh tërheqjen e trupave gjermane nga Afganistani, ushtria gjermane kishte ndaluar konsumimin e alkoolit dhe në fluturime speciale ata sillnin sasi të mëdha birre dhe pije të tjera alkoolike jashtë vendit. Ushtria gjermane gjithashtu ishte e shqetësuar për sulmet e mundshme talebane dhe për këtë arsye nuk donte që ushtarët në Afganistan të konsumonin alkool”, tha ajo.
Kandidatja e majtë akuzon anëtarët e qeverisë Merkel për një sërë lëvizjesh të gabuara dhe të rrezikshme në Afganistan për arsye parazgjedhore.
“Ajo që po bën qeveria gjermane është e turpshme. Është e qartë se qeveria në tërësi ndan përgjegjësinë dhe me këtë nënkuptoj edhe kancelaren dhe zëvendëskancelarin. Qeveria ka rrezikuar jetën e njerëzve me veprimet e saj. Kam frikë se ata thjesht u përpoqën ta linin çështjen për zgjedhjet e mëvonshme . Ata u përpoqën të shmangnin një debat mbi emigracionin në Gjermani para zgjedhjeve dhe për këtë arsye rrezikuan jetën e tyre,” përfundoi ajo.
(I.A/dosja.al)
Iftar dhe politikë, a u prek Muaji i Ramazanit nga politikanët?
KOSOVË– Njohësi i sigurisë në Kosovë, Nuredin Ibishi ka deklaruar se Dardan Krivaqa, personi që rrahu për vdekje partneren e tij, Marigona Osmani rre...
AFGANISTAN- Talebanët thanë të martën se shpresojnë të fitojnë njohjen ndërkombëtare si “përfaqësues legjitim” të Afganistanit, duke argumentuar se ...
BRITANI– Mbretëria e Bashkuar ka organizuar ditën e sotme një samit virtual ndërmjet udhëheqësve të G7 për të diskutuar rreth përpjekjeve të evakuimit në Afgani...
GJERMANI- Kancelarja gjermane Angela Merkel është shprehur se nuk ka shtyrje date për evakuimin e banorëve nga Afganistani. Aljazeera shkruan se sipas Merkel në...
GREQI– Një fermer 39-vjeçar është vrarë në oborrin e shtëpisë së tij në Greqi, në prani të vajzës së tij të vogël.Mediat greke bëjnë me dije se një...
KOSOVË – Admir Salihu, është caktuar si avokat i Dardan Krivaqës, i cili është i dyshuari kryesor në rastin e vrasjes së vajzës 18 vjeçare nga Feriz...
ZVICËR- Një studiues në institutin federal të teknologjisë ETH Zurich ka paralajmëruar për shfaqjen e mundshme të një “super varianti” të ri të koronavirus...
KOSOVË– Personi i cili ka bërë të mundur arrestimin e autorit të vrasjes së 18-vjeçares Marigona Osmani ka folur për media ditën e sotme duke dashur...
MAQEDONI E VERIUT- Ish-kryeministri britanik Tony Blair ka vizituar ditën e sotme Maqedoninë e Veriut. Blair është pritur në takim nga Kryeministri maqedonas Zo...
BRITANI– Kryeministri britanik Boris Johnosn ka folur sot gjatë samitit të G7 ku ka thënë se qëllimi i tij kryesor ishte të bindë presidentin e SHBA-ve Joe Bide...