Bota

Zgjedhjet lokale në Maqedoninë e Veriut, Zoran Zaev bën koalicion me Ali Ahmetin: Do të zgjedhim kandidatët më të mirë

22 Korrik 2021, 16:53 Nga DOSJA
Zgjedhjet lokale në Maqedoninë e Veriut, Zoran Zaev bën koalicion

MAQEDONIA E VERIUT- Partia SDSM e kryeministrit Zoran Zaev në zgjedhjet lokale në Maqedoninë e Veriut do të bëjë koalicion me partinë BDI të Ali Ahmetit. Në një postim në Facebook, Zaev shkroi se u takua ditën e sotme me Ali Ahmetin ku dhe u dakordësuan që të futen në zgjedhje së bashku. Kreu i qeverisë, shkruan se qëllimi i tyre i përbaskët është që në koalicionin parazgjedhor të jenë sa më shumë parti, të cilat janë gjithashtu në koalicionin qeveritar. Ai më tej, shtoi se ata do të zgjedhur kandidatët më të mirë, të cilët kanë mundësi që të japin rezultate efikase dhe të mira në çdo qytet edhe fshat  

Postimi i plotë:

Kam pasur një takim të shkëlqyeshëm me partnerin e koalicionit dhe kryetarin e BDI-së Ali Ahmeti. U dakorduam që SDSM dhe BDI të performojnë së bashku në zgjedhjet e ardhshme lokale.

Kemi një qëllim të përbashkët në koalicionin parazgjedhor që të angazhohen sa më shumë parti nga koalicioni qeveritar. Po zhvillohen procedurat për zgjedhjen e kandidatëve më të mirë – këta do të jenë personat që munden dhe që janë të gatshëm të japin rezultat sa më të mirë për qytetarët në çdo qytet, në çdo fshat, në çdo lagje.

Do të japim mbështetje të ndërsjellë në disa komuna në raundin e parë të zgjedhjeve, kurse në komunat tjera do të mbështetemi në rrethin e dytë. Këshillohemi që institucionet të kenë detyrim dhe kapacitet të dorëzojnë zgjedhjet vendore plotësisht demokratike, profesionale dhe të ndershme.

Zgjedhjet lokale në Maqedoninë e Veriut do të mbahen në tetor të këtij viti. Data zyrtare e zgjedhjeve ende nuk është vendosur, ndërkohë që po flitet për 17 tetorin si datë e mundshme. 

(I.A/dosja.al)

Iftar dhe politikë, a u prek Muaji i Ramazanit nga politikanët?

View Results

rajoni rajoni ali ahmeti zgjedhjet lokale ne maqedonin e veriut zoran zaev ali ahmeti zgjedhjet lokale ne maqedonin e veriut zoran zaev

Sondazh

Poll

MË SHUMË