Aktualitet

Tjetër skandal mjedisor në mes të sezonit turistik! Tonelata mbeturinash digjen nga Bashkia e Kavajës në zonën e Spillesë

5 Korrik 2021, 10:39 Nga DOSJA

KAVAJË– Tjetër skandal mjedisor me mbeturinat! Tonelata me mbetje janë derdhur nga Bashkia e Kavajës mes zonës së Spillesë dhe zonës së njohur si ‘Plazhi i Gjeneralit’, duke ‘pushtuar’ vendin në mes të sezonit turistik.

Bashkia e Kavajës ka kryer krim mjedisor duke hedhur tonelata mbeturinash në vendgrumbullime të paligjshme, e më pas i ka vënë flakën, duke ndotur rëndë ajrin. Kjo katastrofë mjedisore po ndodh në Plazhin e Gjeneralit dhe Spillesë, duke shkaktuar rrezik serioz për shëndetin e banorëve në këto zona. Kjo situatë ka shkaktuar shqetësim edhe për turistët, pasi era është shumë e rëndë.

 

 

Pse ndodhet në këtë situatë qarku i Durrësit?

Dosja.al ka raportuar prej muajsh katastrofën mjedisore që vjen si pasojë e lënies së mëshirë të fatit të menaxhimit të mbetjeve urbane. Kazanët në disa vendgrumbullime janë mbushur dhe janë rreth 12 kamionë me rreth 10 ton mbeturina që nuk kanë se ku të zbrazen. Nga frika e sëmundjeve infektive, banorët në disa zona të Durrësit kanë nisur djegien e tyre. Një mosdakordësi mes Bashkisë dhe Qeverisë ka sjellë këtë situatë. Këshilli kërkoi nënshkrimin e një kontrate të gjatë me afat 10 vjecar me kompaninë koncesionare “Integrated Energy”, dhe kërkoi subvencion nga qeveria për përpunimin e tyre. Por skadimi i kontratës me inceneratorin e Sharrës ka sjellë këtë situatë. Është në dorën e qeverisë që të japë “ok” për trajtimin e mbetjeve, çka do të sillte edhe zgjidhjen e situatës me plehrat në Durrës.

(kle.mu./dosja.al)

Iftar dhe politikë, a u prek Muaji i Ramazanit nga politikanët?

View Results

aktualitet aktualitet bashkia e kavajes derdh plehrat ne spille masakra mjedisore ne durres plehrat ne kavaje bashkia e kavajes derdh plehrat ne spille masakra mjedisore ne durres plehrat ne kavaje

Sondazh

Poll

MË SHUMË