MAQEDONIA E VERIUT– Forumi i Parë Ekonomik që po mbahet në Maqedoninë e Veriut ka bërë bashkë kryeministrin maqedonas, Zoran Zaev, zëvendëskryeministrat Nikolla Dimitrov dhe Fatmir Bytyqi, ministrin e Financave, Fatmir Besimi, ministrin e Ekonomisë, Kreshnik Bekteshi, ministri i Mjedisit jetësor dhe planifikimit hapësinor, Naser Nuredini, ministri i Drejtësisë, Bojan Mariçiq e guvernatorja Anita Angellovska Bezhovska. Edhe kryeministri i Shqipërisë Edi Rama ka udhëtuar drejt Maqedonisë së Veriut bashkë me ministren e Financave Anila Denaj, për tu bashkuar në këtë forum. Mes pjesëmarrësve në Forum është edhe eurokomisioneri për zgjerim, Oliver Varhelyi Të ftuar janë dhe Ambasadorët e SHBA-së, Britanisë së Madhe, Gjermanisë, Greqisë dhe Polonisë në Maqedoninë e Veriut dhe udhëheqës të institucioneve të tjera financiare si brenda dhe jashtë vendit.
Gjatë fjalës së tij Zaev tha se vendimi i BE-së për të mos caktuar një dtaë për mbajtjen e konferencës së parë ndërqeveritare për Maqedoninë e Veriut dhe Shqipërinë ishte një dëshpërim i madh për ta por edhe një mossukses i politikës së Bashkimit Evropian. Zaev tha se Shqipëria është Europë dhe se VETO-ja nga Bullgaria nuk është një vlerë europiane. Zaev ka theksuar edhe njëherë rëndësinë e bashkëpunimit rajonal në përballimin e sfidave me të cilat përballet Ballkani Perëndimor.
“Ne nuk jemi vetëm dhe nuk jemi të izoluar. Ne dhe populli shqiptar kemi përpara rrugën e njëjtë drejt BE-së dhe ne nuk jemi vetëm, ndajmë politikën evropiane. Në këtë rrugë së bashku me ne janë edhe Serbia, Mali i Zi, Kosova dhe Bosnja”, deklaroi Zaev.
Kryeministri Edi Rama e ka konsideruar si një dështim të Bashkimit Europian, mos caktimin e një date për konferencën e parë ndërqeveritare me Shqipërinë. I ndodhur në Maqedoninë e Veriut, në Forumin Ekonomik, Rama tha se do të ishte më e ndershme nga ana e Bashkimit Europian që të thonin se nuk ishin gati për të pranuar qoftë Shqipërinë apo Maqedoninë e Veriut në familjen e tyre, se sa t’i fajësonin këto vende për mosplotësimin e kushteve apo për ‘VETO’-n e Bullgarisë. Rama tha se Shqipëria ka qenë gati prej kohësh, por që kjo që po ndodh është e gjitha pjesë e politikave të brendshme të BE.
Ministri i jashtëm Maqedonas Bujar Osmani shprehu zhgënjimin që nuk u arrit të përcaktohej data, pasi sipas tij vendi i kishte plotësuar të gjitha standardet. Osmani theksoi se është e rëndësishme që të zgjerohet dhe forcohet bashkëpunimi rajonal në Ballkanin Perëndimor, një rajon që është i ndarë nga malet dhe pengesat gjeografike dhe më tepër edhe nga infrastruktura, duke hedhur idenë e forcimit të tregut të përbashkët rajonal. Në anën tjetër Osmani prezantoi edhe një nismë të re të liderëve të Ballkanit Perëndimor, duke marrë shembull nga takimeve e vazhdueshme të liderëve të Bashkimit Evropian. Edhe Ambasadorja e Shteteve të Bashkuara të Amerikës, Kate Byrnes u shpreh e zhgënjyer nga BE-ja për vendimin e negociatave.
Në takimin e djeshëm, ministrat e Jashtëm të Bashkimit Europian nuk kanë rënë dakord për vendosjen e një date për mbajtjen e Konferencës së Parë Ndërqeveritare për Shqipërinë dhe Maqedoninë e Veriut, për shkak të problemeve mes Sofjes dhe Shkupit. Tashmë gjithçka do spostohet në shtator, kur presidencën e radhës do ta ketë Sllovenia.
(d.a/dosja.al)
Iftar dhe politikë, a u prek Muaji i Ramazanit nga politikanët?
GREQI– Qeveria greke vendosi hapjen pikës kufitare të Kakavijës për autobusët e udhëtarëve nga Shqipëria drejt vendit fqinj.Sipas doganës, duke filluar ng...
GREQI– Ditën e sotme me qindra qytetarë shqiptarë janë dyndur në sportelet e Pikës Kufitare Greke të Kakavijes për të kaluar drejt shtetin fqinj. Të gjithë pers...
SHKODËR– Një i ri i shtruar në spitalin psikatrik të Shkodrës, nën efektin e lëndëve narkotike ka dhunuar stafin mjekësor dhe personelin. Ngjarja ka ndodhu...
POGRADEC– Një punëtor ka rënë nga skela e katit të dytë teksa po punonte në një ndërtesë në Pogradec.Mësohet se i plagosuri është 59-vjeçari Reshit Larak...
FIER– Dy persona të cilët u kapën duke transportuar pesë emigrantë të paligjshëm drejt vendeve të Bashkimit Europian, kanë rënë në prangat e policisë.Policia bë...
TIRANË– Komisioni i Pavarur i Kualifikimit, KPK shpalli të mërkurën vendimin për konfirmimin në detyrë të gjyqtares së Gjykatës së Tiranës, Irena Pla...
Mediat holandeze bëjnë me dije se është goditur një grup trafikantësh kokaine, ku në prangat e policisë kanë rënë dy shqiptarë dhe një holandez, ndërkohë që, nu...
(F.g/dosja.al)Iftar dhe politikë, a u prek Muaji i Ramazanit nga politikanët?View Results...
FUSHË-KRUJË– Një 47-vjeçar është arrestuar në Fushë Krujë, pasi policia ka gjetur në pronën e tij të kultivuar disa fidanë të dyshuar si kanabi...
HIMARË- Katerina Joshi, pronarja e vilës “Natali” ku ndodhi incidenti me familjen e pushuesve, pamjet e të cilëve teksa largohen me makinë kanë bërë xhiron...