Aktualitet

Radhë kilometrike! Mungojnë sportelet e palës greke në Kakavijë, qytetarët presin në pikun e vapës për të kaluar kufir

23 Qershor 2021, 11:39 Nga DOSJA
Radhë kilometrike! Mungojnë sportelet e palës greke në

GREQI– Ditën e sotme me qindra qytetarë shqiptarë janë dyndur në sportelet e Pikës Kufitare Greke të Kakavijes për të kaluar drejt shtetin fqinj. Të gjithë personat që duhet të kalonin kufirin, duhet të ishin të pajisur me PLF, me PCR test apo dhe me certifikatë digjitale antipandemike.

Radhë kilometrike janë krijuar dhe ende po shtohen për shkak të mungesës së sporteleve në dispozicion nga ana e palës greke e cila ndonëse punon me ritme të ulëta, po ushtron kontroll të rreptë tek qytetarët në bazë të protokolleve antipandemike.

Siç shihet në pamjet e bëra publike nga ‘Balkanweb’, makinat kanë krijuar radhë kilometrike.

Drejtuesit e Policisë Shqiptare të Kakavijës, kanë kërkuar shpjegime nga homologët grekë për konfuzionin e krijuar dhe për rrjedhojë fqinjët kanë shtuar edhe një sportel për të disiplinuar lëvizjet në hyrje të Greqisë.

Dyndja e njerëzve ka ardhur si rrjedhojë e mungesës së sporteleve deri në mesditë çka ishin vetëm dy aktive, prej orës 11:30 minuta është shtuar edhe një sportel duke çliruar sadopak situatën.

(a.b)/dosja.al

Iftar dhe politikë, a u prek Muaji i Ramazanit nga politikanët?

View Results

aktualitet aktualitet radhe ne kakavije radhe ne kakavije

Sondazh

Poll