Aktualitet

EMRI/ I shpallur në kërkim ndërkombëtar për armëmbajtje pa leje dhe trafikim droge, arrestohet 66-vjeçari në Morinë me

24 Maj 2021, 11:36 Nga DOSJA
EMRI/ I shpallur në kërkim ndërkombëtar për

MORINË– Një 66-vjeçar i identifikuar si Tush Pali, është arrestuar ditën e sotme në pikën kufitare të Morinës me qëllim ekstradimi drejt Çekisë.

Policia bën me dije se 66-vjeçari ishte shpallur në kërkim ndërkombëtar për veprat penale, prodhimi dhe shitja e lëndëve narkotike,  si dhe prodhimi dhe mbajtja pa leje e armëve të zjarrit dhe municioneve. Për veprat e mësipërme penale, Gjykata e Plzen Çeki e ka dënuar 66-vjeçarin me 1 vit, 5 muaj e 21 ditë burg.

Njoftimi i policisë:

Vihet në pranga, me qëllim ekstradimi drejt Çekisë, një shtetas i shpallur në kërkim ndërkombëtar për veprat penale “Prodhimi dhe shitja e lëndëve narkotike” dhe “Prodhimi dhe mbajtja pa leje e armëve të zjarrit dhe municioneve”.

Në hyrje të Pikës së Kalimit Kufitar Morinë, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, kanë ndaluar shtetasin e shpallur në kërkim ndërkombëtar:

Tush Pali, 66 vjeç, banues në Kosovë.

Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar nga Interpol Praga, pasi Gjykata e Plzen Çeki e ka dënuar me 1 vit, 5 muaj e 21 ditë burg, për veprat penale “Prodhimi dhe shitja e lëndëve narkotike” dhe “Prodhimi dhe mbajtja pa leje e armëve të zjarrit dhe municioneve”, parashikuar nga legjislacioni penal i Çekisë.

Në përfundim të veprimeve hetimore, specialistët e Sektorit për Hetimin e Krimit në DVP Kukës bënë arrestimin provizor të këtij shtetasi, me qëllim ekstradimin në shtetin e Çekisë, mbështetur në “Konventën Evropiane të Ekstradimit” të vitit 1957.

(kle.mu./dosja.al)

Iftar dhe politikë, a u prek Muaji i Ramazanit nga politikanët?

View Results

aktualitet aktualitet ekstradim drejt cekise tush pali ekstradim drejt cekise tush pali

Sondazh

Poll