Sport

Brdariç: “Unë e di se si mundet Teuta, Martinin do ta qeras me verë”

2 Maj 2021, 11:16 Nga DOSJA
Brdariç: “Unë e di se si mundet Teuta, Martinin do ta qeras me

SHKODER – Nesër në “Loro Boriçi”, duke nisur nga ora 18:00, në kuadër të javës së 31-të të Superiores, luhet një nga ndeshjet më të forta të javës, Vllaznia-Teuta, ku do të diskutohet vendi i parë në renditjen. Para kësaj sfide në konferencë për mediat foli trajneri i shkodranëve, Thomas Brdariç.

Humbja me Tiranën? “E analizuam ndeshjen me Tiranën. Problemi ishte në finalizim, në zonën e rreptësisë, kishim mungesë përqendrimi dhe nuk iu përkushtuam shumë ndeshjen. Në përgjithësi ishte një paraqitje e mirë, mbajmë topin më shumë, por kjo nuk mjafton. Nesër duhet të jemi më cinikë në lojë, të finalizojmë të gjitha rastet tona”.

Sfida me Tetuën? “Nesër është vetë një hap në rrugën drejt titullit. Tashmë përballemi me një Teutë ndryshe, në krye të klasifikimit dhe ekip shumë i fortë, por dimë sesi t’i mundim ata, i kemi mposhtur dhe këtu. Nesër është ndeshje tjetër, tjetër kapitull. Mendoj se kemi aftësitë që nesër të fitojmë”.

Rivalët e Vllaznisë? “Ne konsiderojmë çdo rezultat sepse edhe më parë kemi bërë rezultate negative, por kjo nuk ka ndikuar në punën tonë. Ne po rritemi, jemi në ndërtim e sipër, në proces. E ka thënë edhe më parë se jemi në progres të vazhdueshëm dhe çdo rezultat ndihmon në rritjen tonë. Nuk po krijojmë një ekip thjesht për sot, kërkojmë vazhdimësinë, por nesër e dimë se është ndeshje e fortë dhe i kemi mundësitë për të fituar. Ekipet janë të një niveli, janë të afta të luajnë mirë”.

Formacioni dhe synimi? “Teuta ka elemente të aftë për të bërë diferencën, sidomos në sulm, por edhe ne kemi lojtarë të tillë. Nëse punojmë të gjithë së bashku, do jetë ndeshje e mirë. Na favorizon fusha dhe fakti që luajmë në shtëpi. Për mua ka rëndësi të jemi mirë fizikisht dhe të bëjmë ndeshje mbi mesatare nga fillimi, në fund. Jo të gjithë lojtarët kanë formën më të mirë. Do fusim më të mirët në fushë. Ajo që ka rëndësi gjithashtu është edhe ana mentale, sepse psikologjia vendos shumë. Në sulm duhet të jemi më të fokusuar përpara portës. Duhet të ndryshojmë mentalitetin dhe përgatitjen e lojtarëve. Në futboll duhet të kesh saktësinë para portës. Nesër duhet të jemi të saktë para portës. Nesër ndaj Edi Martinit do të marrim tre pikët dhe së bashku do pimë verë të bardhë, e paguaj unë”,- u shpreh Brdariç.

B.T (Dosja.al)

Rama është propozuar për president nga disa deputetë socialiste, mendoni se:

View Results

sport sport edi martinit javës së 31-të të superiores loro borici thomas brdaric. vllaznia-teuta edi martinit javës së 31-të të superiores loro borici thomas brdaric. vllaznia-teuta

Sondazh

Poll

MË SHUMË