Aktualitet

Gjykata e Posaçme vendos! Çështja e Adriatik Llallës nis nga fillimi, ish-kryeprokurori: Do paraqes prova të reja

16 Prill 2021, 09:10 Nga DOSJA
Gjykata e Posaçme vendos! Çështja e Adriatik Llallës nis

TIRANË– Gjykata e Posaçme ka vendosur që çështja e Adriatik Llallës të nisë nga fillimi, me kërkesë të vetë ish-kryeprokurorit.

Llalla përmes avokatëve të tij ka tërhequr kërkesën për gjykim të shkurtuar, duke bërë që çështja ndaj tij të rikthehet në pikën zero, duke bërë në këtë mënyrë të pavlefshme dhe pretencën e prokurorisë për dënimin e tij me dy vite burg.

Llalla ka thënë në Gjykatë se ai do të paraqesë prova dhe dëshmi të reja, për të vërtetuar se akuza e ngritur ndaj tij për fshehje të të ardhurave nuk qëndron.

Por përse akuzohet Adriatik Llalla, dikur njeriu më i rëndësishëm i sistemit të drejtësisë?

Hetimet për Adriatik Llallën kanë nisur disa muaj më parë, dhe bëhet me dije se bëhet fjalë për mosdeklarimin e një shume parash në Gjermani, e cila është përdorur për shkollimin e vajzës së ish-kryeprokurorit. Vetë Llalla ka deklaruar se këto para i kishte marrë borxh nga një mik i tij. Ndërkohë pritet vendimi që do të merret nga GJKKO.

Ish-kryeprokurori Adriatik Llalla u largua nga detyra në 8 dhjetor 2017 pasi i skadoi mandati dhe në vend të tij u zgjodh vetëm me votat e socialistëve, kryeprokurorja Arta Marku. Llalla i shpëtoi procesit të Vettingut, pasi paraqiti dorëheqjen nga sistemi para Komisionit të Pavarur të Kualifikimit. KPK-ja pranoi kërkesën e Llallës duke e nxjerrë nga sistemi dhe duke mos kaluar në Vetting. Komisioneri Publik ankimoi pranë Kolegjit të Posaçëm të Apelimit, vendimin e KPK-së.

Po kështu, Adriatik Llalla është një prej tre ish-zyrtarëve të lartë shqiptarë, për të cilin sekretari amerikan i shtetit, Mike Pompeo, më 14 shkurt të 2018,  komunikoi vendimin se ai nuk do të shkelë kurrë në tokën amerikane. Ish-kryeprokurori Adriatik Llalla nuk është pajtuar me këtë vendim të SHBA-së.

(a.b)/dosja.al

Rama është propozuar për president nga disa deputetë socialiste, mendoni se:

View Results

aktualitet aktualitet adriatik llalla adriatik llalla

Sondazh

Poll

Aktualitet 16 Prill 2021, 09:05

TIRANË– Drejtuesit e Lapsi.al Armand Shkullaku dhe Andi Bushati janë thirrur ditën e sotme në SPAK për të dëshmuar në lidhje me databazën e PS-së me të dhë...

MË SHUMË