Aktualitet

SPAK merr në dorëzim Adriatik Llallën, ish-kryeprokurori akuzohet për fshehjen e parave që shkolloi të bijën në Gjermani

Adriatik Llalla akuzohet për mosdeklarim të të hollave në kufi. Bëhet fjalë për mosdeklarimin e një shume parash në Gjermani, e cila është përdorur për shkollimin e vajzës së ish-kryeprokurorit.
Featured image of article: SPAK merr në dorëzim Adriatik Llallën, ish-kryeprokurori akuzohet për fshehjen e parave që shkolloi të bijën në Gjermani Adriatik Llalla

TIRANE- Ish-kryeprokurori i Përgjithshëm, Adriatik Llalla akuzohet për “mosdeklarim të të hollave në kufi”. Këtë akuzë ia ka komunikuar ditën e sotme, SPAK (Prokuroria e Posaçme),  ish-kryeprokurorit të Përgjithshëm. Burime për Dosja.al bëjnë me dije se bëhet fjalë për mosdeklarimin e një shume parash në Gjermani, e cila është përdorur për shkollimin e vajzës së ish-kryeprokurorit. Vetë Llalla ka deklaruar se këto para i kishte marrë borxh nga një mik i tij.

Adriatik Llalla në listën e zezë të DASH, iu arratis policisë pasi shpëtoi nga Vettingu

Ish-kryeprokurori Adriatik Llalla u largua nga detyra në 8 dhjetor 2017 pasi i skadoi mandati dhe në vend të tij u zgjodh vetëm me votat e socialistëve, kryeprokurorja Arta Marku. Llalla i shpëtoi procesit të Vettingut, pasi paraqiti dorëheqjen nga sistemi para Komisionit të Pavarur të Kualifikimit. KPK-ja pranoi kërkesën e Llallës duke e nxjerrë nga sistemi dhe duke mos kaluar në Vetting. Komisioneri Publik ankimoi pranë Kolegjit të Posaçëm të Apelimit, vendimin e KPK-së.

Për më shumë bëhu pjesë e grupit më viral në Facebook, Dosja.al

Në 11 qershor të 2018, KPA shqyrtoi kërkesën e Komisionerit Publik dhe vendosi të linte në fuqi vendimin e KPK-së duke e lënë Llallën jashtë sistemit dhe pa kaluar në Vetting. Pas këtij vendimi ende nuk dihet vendodhja e saktë e Adriatik Llallës, ndërsa gjurma e fundit erdhi nga Turqia, kur ish-kryeprokurori i kishte dërguar një prokurë në turqisht avokatit të tij përfaqësues në KPA, Sokol Hazizajt, në turqisht, ku nga vula apostile, u dallua se Llalla ndodhej në Turqi asokohe.

Po kështu, Adriatik Llalla është një prej tre ish-zyrtarëve të lartë shqiptarë, për të cilin sekretari amerikan i shtetit, Mike Pompeo, më 14 shkurt të 2018,  komunikoi vendimin se ai nuk do të shkelë kurrë në tokën amerikane. Ish-kryeprokurori Adriatik Llalla nuk është pajtuar me këtë vendim të SHBA-së.

(J.V;F.G/Dosja.al)

Shto Koment