TIRANË-Presidenti Ilir Meta ka dekoruar heronjtë e rezistencës kundër pushtimit fashist Isak Metalia e Xhevdet Ballanca, si dhe historianin Sali Hidri.
Me rastin e 82-vjetorit të 7 prillin 1939, e cila njihet si dita e rezistencës antifashiste Meta dekoroi pas vdekjes dy partizanët Isak Metalia e Xhevdet Ballanca.
Me “Dekoratën e Artë të Shqiponjës” u dekoruan (pas vdekjes) nga Kreu i Shtetit shqiptar Isak Metalia “Për heroizmin e pashoq treguar në ditën e pushtimit fashist të vendit; për rezistencën dhe udhëheqjen e grupit drejt sakrificës sublime, në mbrojtje të lirisë së vendit, duke u bërë njëri nga heronjtë e parë të Luftës së Dytë Botërore.”
U dekorua Xhevdet Ballanca (pas vdekjes) “Për kontributin e çmuar, dhënë në Luftën Antifashiste Nacional-Çlirimtare, për çlirimin e vendit nga okupatorët, si dhe për merita të veçanta si ushtarak karriere e drejtues me vizion në Forcat e Kufirit.”
Ndërsa historiani, Sali Hidri u vlerësua me Titullin “Kalorës i Urdhrit të Flamurit”, me motivacionin “Për kontributin e çmuar dhënë në fushën shkencore dhe arkeologjike, si dhe kumtesat, botimet e paraqitjet dinjitoze të mbajtura dhe përkthyera në akademitë prestigjioze, jashtë vendit.”
Në fjalën e Tij përshëndetëse, Presidenti i Republikës, u shpreh:
“Sot përkujtojmë 7 prillin 1939, një ditë të zezë në historinë e popullit tonë, por edhe një ditë nderimi për rezistencën heroike antifashiste të patriotëve tanë më të kulluar, që në momentin më të vështirë, i dolën për zot Atdheut, duke mos kursyer as jetën e tyre.
Është detyra jonë t’i mbrojmë Heronjtë dhe veprat e tyre, pavarësisht ideologjive, periudhave dhe sistemeve të kohës, sepse në këtë mënyrë ne ruajmë kombin dhe rrënjët tona, që mbrohen më mirë duke i edukuar të rinjtë me dashurinë për Atdheun.
Me rastin e 75-vjetori të Çlirimit, pata kënaqësinë dhe nderin t’i jepja “Dekoratën e Flamurit Kombëtar”, më të lartën në Republikën e Shqipërisë, Heroit të shquar të Rezistencës Antifashiste, Mujo Ulqinaku sepse kush më shumë se një figurë kaq patriotike, që i qëndroi betimit të tij si ushtarak para Flamurit Kombëtar, do ta meritonte këtë vlerësim të lartë.
Por ne e dimë shumë mirë, që kjo rezistencë ishte edhe e shumë bijave dhe bijëve të tjerë, nga më të mirët e Shqipërisë, që u ngritën dhe u bashkuan kundër një prej fuqive më të mëdha të kohës, Italisë fashiste.
Dëshmorët e Atdheut, që ranë në këtë ditë, janë edhe frymëzuesit e gjithë asaj rezistence të mëpasshme, deri në Çlirimin e plotë të vendit.
Sot kam kënaqësinë, që të nderojmë së bashku edhe Isak Metalinë, i cili edhe pse ishte mbi 60 vjeç, me pjekurinë dhe zjarrin e një patrioti të vërtetë u deklaronte shokëve përpara se të jepte jetën: ‘Unë e kam nda mendjen me luftue për vendin tim. U thoni fëmijëve të mi se vdiqa për Shqipërinë’.
Kjo fjali, thënë në çastet më të vështira të jetës së tyre u kthye edhe në një himn e frymëzim edhe për të tjerët, që luftuan deri në frymën e fundit.
(d.a/dosja.al)
Rama është propozuar për president nga disa deputetë socialiste, mendoni se:
TIRANË– Ambasada e Shteteve të Bashkuara të Amerikës në Tiranë ka kërkuar zgjidhjen e situatës pas grevës që u futën punonjësit Albcontrol në Rinas. ...
TIRANË– Letra e mëposhtme tregon arsyet që shtynë punonjësit e AlbControl që të futen në grevë. Në letër thuhet se punonjësit ndihen të lodhur për sh...
TIRANË– Struktura e Posaçme Kundër Korrupsionit dhe Krimit të Organizuar ka publikuar bilancin e veprimtarisë përgjatë vitit 2020. Gjatë kësa...
ZVICËR– “Interpoli aktualisht kerkon mbi 100 shqiptarë në Ballkan.” Kështu e nis artikullin media zvicerane Le Canton27.ch, ku ka vënë në focus të k...
TIRANË– ‘Amnesty International’ ka publikuar një raport në të cilin shkruhet se shumë prej qeverive përdorën pandeminë për të forcuar pushtetin e tyre, dhe...
TIRANË– Një vajzë e mitur u përdhunua nga burri i hallës, i cili u dënua me vetëm 3 muaj burg dhe më pas u la i lirë.Në vitin 2017 erdhi sërish në sh...
Të mërkurën në Shqipëri janë bllokuar të gjitha fluturimet në Aeroportin e Rinasit, deri të enjten në orën 10:00.Ky bllokim është shkaktuar pas dështimit të neg...
ITALI– Trupi i një shqiptari që ndërroi jetë në një aksident në punë në Itali, do të sillet me anije në Kosovë, duke plotësuar amanetin e tij.Mediat italiane sh...
TIRANË– Të gjitha fluturimet në aeroportin e Rinasit janë pezulluar për ditën e sotme. Biletat e fluturimeve do të përdoren në ditët në vijim, kur të nisi...
TIRANË– Kontrollorët e aeroportit të Rinasit kanë reaguar zyrtarisht për mediat pas konferencës për shtyp të ministres së Infrastrukturës dhe Energjisë, Be...
