Bota

Greqi/ Zbulohen 4 variante të ndryshme koronavirusi në Patra, nga 107 raste 82 ishin mutacione

30 Mars 2021, 13:37 Nga DOSJA
Greqi/ Zbulohen 4 variante të ndryshme koronavirusi në Patra, nga 107

GREQI– Mutacioni britanik i koronavirusit ka pushtuar Patrën e Greqisë, megjithëse në disa nga 107 mostrat e dërguara për analiza, u identifikuan tre origjina të ndryshme të llojeve të mutuara të virusit.

Në mostrat që mbërritën në laboratorin e Universitetit të Patras dhe u dërguan në Akademinë e Athinës, nuk u identifikua vetëm mutacioni britanik i virusit, i cili duket se është përhapur në mënyrë të konsiderueshme, por edhe spanjolli, afrikani dhe një mutacion europian që u zhvillua gjatë valës së tij të dytë të pandemisë.

Sipas CNN Greece, përgjegjësi i Laboratorit të Diagnostikimit Molekular të Faktorëve Infektivë të Universitetit të Patras, profesoresha e Hematologjisë Laboratorike-Dhurimi i Gjakut Athanasia Mouzaki tha:

“Ne kemi dërguar 107 mostra pozitive të komunitetit në Akademinë e Athinës për sekuencat. Shumica ishin nga qendrat shëndetësore të sektorit verior dhe jugor të Patras. Nga këto 107 mostra, 82 ishin mutacione. Të gjithë përveç pesë rasteve kishin mutacionin britanik. Nga këta pesë, tre kishin mutacionin spanjoll, një kishte një mutacion evropian që u zhvillua në valën e dytë.”

Dje në Akaia u njoftuan 80 raste të reja me ngarkesën epidemiologjike në zonë që mbetej e rritur për mjaft kohë. Për më tepër, krahasuar me javën e kaluar, ka raste aktive të koronavirusit në Achaia, me Patrën që kryeson. Ka pothuajse 200 raste më shumë në të gjithë prefekturën, më shumë se javën e kaluar, siç tregohet në tabelat e botuara dje, nga Zëvendës Guvernatori Rajonal, Charalambos Bonanos.

Nëpër qark, javën e kaluar rastet ishin 898, ndërsa për momentin janë 1,093. Patra ka patur rritje, ndërsa javën e kaluar rastet aktive ishin 667, sot janë 839, që do të thotë se u rritën me 172.

(d.a/dosja.al)

 

Rama është propozuar për president nga disa deputetë socialiste, mendoni se:

View Results

rajoni rajoni athanasia mouzaki charalambos bonanos koronavirusi në greqi athanasia mouzaki charalambos bonanos koronavirusi në greqi

Sondazh

Poll

MË SHUMË