Politike

Bushati: Albini dhe Vjosa shihen me zili në Tiranë, Serbinë duhet ta shohim në sytë e Kosovës

23 Mars 2021, 20:31 Nga DOSJA
Bushati: Albini dhe Vjosa shihen me zili në Tiranë, Serbinë duhet

TIRANË– Ish-ministri i Jashtëm i Shqipërisë, Ditmir Bushati, ka komentuar qeverinë e re të Kosovës, me Kryministër Albin Kurti.

I ftuar në ‘A Show’ ai ka thënë se Kurti dhe Vjosa Osmani shihen me zili në Tiranë, pasi këto të fundit janë shembuj të rezistencës dhe të integritetit politik.

Ai ka folur dhe për marrëdhëniet që duhet të ketë Shqipëria me Serbinë, duke thënë se është përcaktuese në fatin e 6 vendeve në rajon. Më tej ai ka thënë se Serbia duhet të shihet nga Shqipëria në sytë e Kosovës.

‘Kam parë shumë zhvillime pozitive në Prishtinë.  Kam pasur dhe kultivoj raporte shumë të mira me të gjithë ata atje edhe para se të isha ministër i Jashtëm. Më ka mbushur me optimizëm si Albini dhe Vjosa. Më pëlqen dhe ekipi që ata kanë kompletuar. Pritshmëritë janë të mëdha, përgjegjësitë edhe më të mëdha. Uroj me gjithë zemër që ata të ja dalin dhe të vendosin një shembull të qeverisjes demokratike në rajon sepse ne shqiptarët shihemi si delja e zezë, që nuk dimë të bëjmë një qeverisje demokratike. Albini dhe Vjosa janë shembuj të rezistencës dhe të integritetit politik dhe kjo është arsyeja që unë u uroj sukses. Kjo është edhe arsyeja që ata fatkeqësisht shihen me shumë zili në Tiranë. Tek ideja e ndarjes së Kosovës, nisi dhe ftohja Tiranë-Prishtinë Raporti Shqipëri-Serbi është i rëndësishëm se është prcaktues fatet e vendit të 6 vendeve të rajonit. Ne Serbinë duhet ta shohim me sytë e Kosovës. Kosova e njeh shumë herë më mirë se mund ta mjohim ne, për shkak të historisë dhe luftrave.”- ka thënë Bushati. 

(A.k.dosja.al)

Rama është propozuar për president nga disa deputetë socialiste, mendoni se:

View Results

politike politike ditmir bushati ditmir bushati

Sondazh

Poll

MË SHUMË