KORÇË– Ka shkuar në 7 numri i personave të arrestuar në kuadër të operacionit ‘Perimetri’, të cilët ndihmonin emigrantë të paligjshëm për të kaluar kufirin drejt BE-së.
Policia njofton se janë arrestuar edhe 5 persona, njërit prej të cilëve iu sekuestrua në cilësinë e provës materiale një sasi e vogël me lëndë të dyshuar narkotike kanabis. Sipas policisë, personat u kapën duke transportuar 25 emigrantë të paligjshëm.
Njoftimi i policisë:
Vijon operacioni policor i koduar “Perimetri”.
Goditet një grup i strukturuar kriminal që ushtronte aktivitetin e kundërligjshëm në fushën e dhënies së ndihmës shtetasve të huaj, për kalim të paligjshëm të kufirit, kundrejt fitimit.
Shkon në 7 numri i të ndaluarve, vihen në pranga edhe 5 shtetas të tjerë që u kapën duke transportuar 25 emigrantë të paligjshëm, bashkëpunëtorë me 2 të arrestuarit disa ditë më parë nga Policia.
Njëri prej të ndaluarve posedonte një sasi të vogël me lëndë të dyshuar narkotike kanabis.
Strukturat për Hetimin e Krimeve në DVP Korçë, në bashkëpunim me Policinë Kufitare dhe Shërbimin për Çështjet e Brendshme dhe Ankesat (SHÇBA), nën drejtimin e Prokurorisë të Rrethit Gjyqësor Korçë, në vijim të operacionit të koduar “Perimetri”, kanë goditur një grup të strukturuar kriminal që ushtronte veprimtarinë e paligjshme të dhënies ndihmë shtetasve të huaj, për kalim të paligjshëm të kufirit, kundrejt fitimit, si rezultat i të cilit janë arrestuar në flagrancë 7 shtetas, 1 u procedua në gjendje të lirë, ndërsa 1 tjetër u shpall në kërkim.
Në vijim të veprimeve hetimore të kryera për dokumentimin e plotë të ngjarjes së ndodhur më datë 14.03.2021, ku u arrestuan në flagrancë dy shtetasit P. M. dhe K. R., të cilët u kapën tek “Ura e Drithasit”, në Maliq, duke transportuar 26 emigrantë të paligjshëm, si edhe u shpall në kërkim shtetasi R. Ç., shërbimet e Policisë, nga informacione të siguruara në rrugë policore mbi bashkëpunëtorët e tjerë të këtyre shtetasve, ditën e djeshme, në afërsi të fshatit Çiflig, Korçë, bënë të mundur kapjen e një mjeti furgon tip “Benz”, brenda të cilit u gjetën 25 emigrantë të paligjshëm.
Drejtuesi i këtij mjeti, kur ka konstatuar se Policia ishte vënë në ndjekje të tij, me qëllim që të shmangte kapjen prej tyre, ka braktisur mjetin me emigrantë dhe është larguar.
Nga hetimet e mëtejshme rezultoi se bashkautorë në këtë ngjarje dyshohet të jenë shtetasit A. F., 44 vjeç, banues në fshatin Plasë, Maliq; U. S., 23 vjeç, banues në Vlorë; D. B., 32 vjeç; K. Sh., 29 vjeç dhe R. S., 24 vjeç, banues në fshatin Mborje, Korçë, të cilët u arrestuan në flagrancë. Gjithashtu u procedua penalisht në gjendje të lirë shtetasi M. L., 35 vjeç, banues në fshatin Bulgarec, Korçë, i cili kishte në pronësi mjetin tip furgon.
Gjatë kontrollit fizik, shtetasit D. B. iu gjet e u sekuestrua në cilësinë e provës materiale një sasi e vogël me lëndë të dyshuar narkotike kanabis.
Nga ana e Policisë po punohet për vënien përpara përgjegjësisë ligjore të pjesëtarëve të tjerë të këtij grupi, të dyshuar si të implikuar në këtë aktivitet kriminal.
Materialet i kaluan Prokurorisë së Rrethit Gjyqësor Korçë, për veprat penale “Ndihma për kalim të paligjshëm të kufijve”, kryer në bashkëpunim dhe “Prodhimi e shitja e narkotikëve”.
(kle.mu./dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Është lënë në burg “pedofili” 31-vjeçar Petrit Pire. Gjykata e Beratit vendosi për të masën e sigurisë “arrest në burg” pasi akuzohet s...
TIRANË– Një aksident ka ndodhur ditën e sotme në rrugën e ‘Barrikadave’ në Tiranë. Bëhet e ditur se një mjet tip ‘Benz’ është përplasur me një motoç...
TIRANË– Sirianët kanë nisur të ‘hanë’ njëri-tjetrin dhe të masakrohen me dhëmbë. Emigrantët që shumë herë gjanë bërë pjesë e krinikave për sherre e v...
DURRËS– Shkolla “Jan Kukuzeli” ka hapur dyert ditën e sotme për të pritur mësuesit që duan të vaksinohen, por ende nuk është paraqitur asnjë prej tyr...
TIRANË– Një granatë e vjetër është gjetur dhe është plasur me shpërthim të kontrolluar nga forcat xheniere. Sipas njoftimit të Policisë, granata ësht...
VLORË– Nefrologu Fjezi Alushi ka ndërruar jetë ditën e sotme, pasi ishte infektuar me Covid-19. Lajmin e hidhur e ka bërë me dije Urdhri i Mjekëve në Shqip...
TIRANË– Gazetari Erjon Skëndaj ka bërë të ditur se në spitalin ‘Nënë Tereza’ ndodhet e intubuar një grua e cila ka qënë shtatzënë me fëmi...
SHKODËR– Kryeministri Edi Rama ka takuar në Shkodër të moshuarën 111-vjeçare e cila kohë më parë shprehu dëshirën për ta takuar.Rama i ka shkuar në ...
MURIQAN– Një 28-vjeçar shqiptar i Kosovës ka rënë në prangat e policisë në pikën e kalimit kufitar në Muriqan pasi tendoi te kalonte me pasaportë t...