Bota

Kina merr vendim, do të lejohen të hyjnë në vend vetëm personat që kanë marrë një vaksinë kineze

17 Mars 2021, 16:21 Nga DOSJA
Kina merr vendim, do të lejohen të hyjnë në vend vetëm

PEKIN-Kina nuk do të lejojë vizitorët e huaj të hyjnë në vend, në rast se nuk janë vaksinuar me një vaksinë të prodhuar nga kinezët. Sipas Metro, njoftimi u bë, pasi Kina rifilloi përpunimin e vizave për të huajt nga një mori vendesh.

Në një konferencë për shtyp, Zhao Lijian, zëdhënësi i ministrisë së punëve të jashtme, mohoi që rregulli të jetë  krijuar për të shtyrë vendet e tjera të njohin vaksinat e Kinës.

‘Propozimi ynë është bërë pasi të kemi shqyrtuar plotësisht sigurinë dhe efikasitetin e vaksinave kineze. Kjo është një marrëveshje e bërë nga pala kineze në mënyrë të njëanshme. Është një gjë ndryshe nga njohja e vaksinave,”-ka thënë ai.

Kina ka përjashtuar në mënyrë të qartë udhëtarët që kanë bërë dhe aprovuar vaksina jashtë vendit, madje edhe ata të aprovuar nga Organizata Botërore e Shëndetësisë. Rifillimi i udhëtimeve shihet si një pjesë kryesore e rimëkëmbjes ekonomike të Kinës, ndërsa vendet negociojnë kushtet për hyrje.

Ambasadat kineze në rreth 20 vende, duke përfshirë Hong Kong, SHBA, Britania e Madhe, India, Australia, Iraku, Tajlanda, Kroacia, Izraeli, Pakistani dhe Filipinet, njoftuan se do të fillonin përpunimin e vizave, po kushti për të hyrë do të jetë që njerëzit të kenë marrë të paktën një dozë të një vaksine të prodhuar në Kinë, të kenë rezultuar negativ me Covid-19 dhe të qëndrojnë në karantinë kur të mbërrijnë në vend.

Vaksinat kineze,të cilat janë 5 në dispozicion, janë miratuar nga një pjesë e vendeve si Filipinet dhe Tajlanda.

(k.a/dosja.al)

1 vit nga zgjedhjet e 25 prillit si e shikoni gjendjen e vendit:

View Results

bota bota kina kina lejon te hyjen udhetaret qe kane marre vaksin kineze kina kina lejon te hyjen udhetaret qe kane marre vaksin kineze

Sondazh

Poll

MË SHUMË