Aktualitet

E RËNDË në Divjakë! 34-vjeçari me probleme të shëndetit mendor qëllon me armë drejt policisë, rrëmben makinën e bluv

12 Mars 2021, 21:07 Nga DOSJA
E RËNDË në Divjakë! 34-vjeçari me probleme të

DIVJAKË– Artan Kaboçi, 34 vjeç dhe një person me probleme të shëndetit mendor ka vënë në alarm Divjakën, mbrëmjen e sotme. Dosja.al ka mësuar se policia e Divjakës është lajmëruar rreth orës 19:30, në Sallën Operative, për të shtëna me armë zjarri në shtëpinë e Kaboçit, në fshatin Mehallas dhe ka shkuar atje.

Në momentin që ka mbërritur në shtëpinë e Kaboçit, blutë e Divjakës kanë rrethuar banesën dhe i kanë bërë thirrje të riut që të lëshojë armën e të dorëzohet.

Por, Artan Kaboçi, që përveç problemeve të shëndetit mendor që kishte, ishte dhe në gjendje të dehur, jo vetëm që nuk është bindur, pork a nisur të qëllojë me armë drejt efektivëve. Këta të fundit janë zmbrapsur, ndërsa Kaboçi ka nisur të qëllojë edhe me sende të forta drejt mjeteve të Policisë së Shtetit.

Më pas, nën kërcënimin e armës, ai ka marrë njërën prej makinave të policisë dhe ka tentuar të arratiset. Por efektivët kishin lajmëruar grupin RENEA më herët dhe ishin pikërisht këta të fundit, ata që kanë neutralizuar Kaboçin dhe e kanë vënë atë në pranga. Për shkak të gjendjes që ndodhet 34-vjeçari, nuk dihet se si do të veprohet me të.

Mbetet e pashjegueshme gjithashtu, se si një person me probleme të tilla është lejuar që të mbajë edhe armë zjarri në banesë. Hetimet për ngjarjen vijojnë.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet artan kaboci divjake qellohet me arme zjarri drejt policise ne divjake artan kaboci divjake qellohet me arme zjarri drejt policise ne divjake

Sondazh

Poll