Bota

Vazhdojnë protestat në Mianmar, përkundër dhunës

12 Mars 2021, 09:21 Nga DOSJA
Vazhdojnë protestat në Mianmar, përkundër dhunës

Në Mianmar vazhduan protestat kundër grushtshtetit edhe sot, një ditë pasi një grup i të drejtave të njeriut tha se forcat e sigurisë kanë vrarë 12 protestues.

Protestat u mbajtën në Jangon, qytetin më të madh të Mianmarit, dhe në disa qytete të tjera.

Vendi, që ndryshe njihet edhe si Birmani, është në krizë, prejse ushtria ka rrëzuar Qeverinë e zgjedhur të Aung San Suu Kyisë më 1 shkurt dhe ka marrë përsipër pushtetin.

Zëdhënësi i juntës ushtarake, gjenerali Zaw Min Tun, ka thënë të enjten se Suu Kyi ka pranuar pagesa të paligjshme me vlerë prej 600,000 dollarësh, si dhe ar, gjatë kohës sa ka qenë në Qeveri.

Suu Kyi dhe zyrtarë të tjerë të partisë së saj janë aktualisht nën arrest shtëpiak.

Protestuesit duan rikthimin në demokraci.

Protestat e së enjtes kanë qenë ndër më të përgjakshmet prejse ushtria ka marrë pushtetin, tha grupi i të drejtave të njeriut Shoqata e Ndihmës për të Burgosurit Politikë.

Disa vende, përfshirë SHBA-në, kanë vendosur ose kanë kërcënuar me sanksione ushtrinë e Mianmarit.

Marrë nga REL

1 vit nga zgjedhjet e 25 prillit si e shikoni gjendjen e vendit:

View Results

bota bota grushti i shtetit ne mianmar grushti i shtetit ne mianmar

Sondazh

Poll

MË SHUMË