TIRANË– Presidenti Ilir Meta ka dekretuar ligjet e miratuara nga Kuvendi i Shqipërisë më 17 dhjetor lidhur me organet qe kanë kompetenca për zhvillimin e zgjedhjeve parlamentare të 25 prillit. Meta kërkon që Komisioni Qendror i Zgjedhjeve, Prokuroria e Posaçme Antikorrupsion (SPAK), Prokuroria e Përgjithshme, ILDKPKI dhe çdo organ tjetër, të marrë gjithë masat e nevojshme dhe të rrisë bashkëpunimin për të hartuar të gjitha ndryshimet e nevojshme në ligj për të mbrojtur votën e qytetarëve.
“Çdo fenomen negativ, që vendos në rrezik apo cenon sadopak lirinë e votës, apo synon deformimin e vullnetit të sovranit, duhet të ndëshkohet rreptësisht, në funksion të ruajtjes së legjitimitetit të procesit zgjedhor, deri në certifikimin përfundimtar të rezultateve,”-shkruhet ndër të tjera në njoftimin e dhënë nga Presidenca.
Njoftim i Institucionit të Presidentit të Republikës:
8 janar 2021
Presidenti i Republikës, Sh.T.Z Ilir Meta ka dekretuar sot me shpallje, pesë ligje të miratuara nga Kuvendi i Shqipërisë, në datën 17 dhjetor 2020, që ishin evidentuar si të nevojshme për t’u realizuar mes forcave politike, në dakordësinë e arritur me marrëveshjen e 5 qershorit 2020, dhe që lidhen me mbarëvajtjen e proceseve zgjedhore.
Konkretisht, Presidenti Meta, ka dekretuar me shpallje:
– Ligjin nr. 146/2020 “Për disa shtesa dhe ndryshime në ligjin nr. 7895, datë 27.1.1995, ‘Kodi Penal i Republikës së Shqipërisë’, të ndryshuar”;
– Ligjin nr. 147/2020 “Për një shtesë dhe disa ndryshime në ligjin nr. 7905, datë 21.03.1995, ‘Kodi i Procedurës Penale i Republikës së Shqipërisë’, të ndryshuar”;
– Ligjin nr. 148/2020 “Për disa shtesa në ligjin nr. 97/2016,’Për organizimin dhe funksionimin e prokurorisë në Republikën e Shqipërisë’”;
– Ligjin nr. 149/2020 “Për një shtesë në ligjin nr. 96/2016 ‘Për statusin e gjyqtarëve dhe prokurorëve në Republikën e Shqipërisë’, të ndryshuar”;
– Ligjin nr. 150/2020 “Për disa shtesa në ligjin nr. 60/2016, ‘Për sinjalizimin dhe mbrojtjen e sinjalizuesve’”.
Presidenti Meta, me dekretimin dhe hyrjen në fuqi të këtyre ligjeve, kërkon nga organet e caktuara me ligj, Komisioni Qendror i Zgjedhjeve, Prokuroria e Posaçme Antikorrupsion (SPAK), Prokuroria e Përgjithshme, ILDKPKI dhe çdo organ tjetër, që ka kompetenca ligjore sipas këtyre ndryshimeve, të marrin të gjitha masat e nevojshme dhe të rrisin bashkëpunimin ndërmjet tyre, me qëllim hartimin akteve nënligjore të nevojshme dhe implementimin objektiv të këtyre ndryshimeve.
Çdo fenomen negativ, që vendos në rrezik apo cenon sadopak lirinë e votës, apo synon deformimin e vullnetit të sovranit, duhet të ndëshkohet rreptësisht, në funksion të ruajtjes së legjitimitetit të procesit zgjedhor, deri në certifikimin përfundimtar të rezultateve.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË-Ambasadorja Amerikane në vendin tonë Yuri Kim ka reaguar për ngjarjet e fundit në Amerikë me sulmin ndaj Capitol Hill që tronditën botën. Kim shkrua...
SHKODËR– Reshjet e shiut gjatë natës kanë sjellë përmbytje të shumta në Shkodër. Kryebashkiakja në detyrë Voltana Ademi ishte në Obot, një ndër zonat më pr...
TIRANË-Emri i ish-deputetit të LSI në Shkodër, Agron Çela është përfolur në media se do të largohet nga partia. Këto zëra u përforcuan pas largimit ...
GREQI– Kryeministri Edi Rama ndodhet në Greqi! Rama ka ndarë një foto në Twitter teksa shihet duke zbritur nga avioni. I veshur me kostum ngjyrë blu dhe me mask...
TIRANË– Ministrja e Bujqësisë, Milva Ekonomi ka zhvilluar një mbledhje urgjente mbrëmjen e djeshme me drejtoritë rajonale të Ujitjes dhe Kullimit në lidhje...
TIRANË– Kryetarja e Lëvizjes Socialiste për Integrim Monika Kryemadhi nisi ditën sot me banorë të njësisë nr. 9 në kryeqytet.Gjatë bisedës me ta Kryemadhi ...
TIRANË– Një togë nga kompania e Asgjësimit të Mjeteve Shpërthyese (EOD) u nis për në misionin e NATO-s në Letoni, ku do vijojë të shërbejë si pjesë e...
SHKODËR– Qyteti i Shkodrës është në një situatë të rëndë për shkak të përmbytjeve në vend ndërsa Kryetarja e Bashkisë së Shkodrës Voltana Ademi është shumë...
TIRANË– Analisti Andi Bushati u shpreh se Presidenti turk Recep Tayip Erdogan i ka rrëzuar kryeministrit Edi Rama të gjithë mitin e shtetit shqiptar ...