Bota

“U raportua e vdekur”/ Menaxheri i aktores Tanya Roberts ndryshon deklaratën, tregon se ajo është ende gjallë

5 Janar 2021, 11:37 Nga DOSJA
“U raportua e vdekur”/ Menaxheri i aktores Tanya Roberts ndryshon

SHBA-Aktorja hollivudiane Tanya Roberts është ende gjallë. Mediat raportojnë se menaxheri i saj Mike Pingel, ka deklaruar gabimisht vdekjen e 65-vjeçares, ditën e djeshme. Roberts, humbi ndjenjat në shtëpinë e saj në prag të Krishtlindjes dhe u dërgua në Qendrën Mjekësore Cedars-Sinai në Los Anxhelos, pasi është infektuar me Covid-19 menjëherë pas kësaj, menaxheri i saj Mike Pingel ka thënë se ajo ka ndërruar jetë.

Ai ka raportuar në media dhe se do të botonte historinë e saj duke thënë se ajo kishte vdekur, por më vonë ai konfirmoi se ajo ishte ende gjallë, por në gjendje të rëndë.

Nuk është plotësisht e qartë se çfarë ka ndodhur në spital, megjithatë, Pingel tha se ai kishte folur me burrin e Roberts Lance O’Brien, i cili i kishte thënë se ajo ishte duke vdekur. O’Brien mësohet të ketë thënë se është thirrur nga stafi mjekësor për ti dhënë lamtumirën e fundit gruas së tij. O’Brien më parë nuk ka qenë në gjendje të vizitojë gruan e tij në spital për shkak të kufizimeve të koronavirusit.

Roli i saj më i njohur është ai i gjeologes Stacey Sutton përballë 007 të Roger Moore në 1985. Ajo gjithashtu u shfaq në filma fantazi dhe aventurë të tilla si “The Beastmaster” dhe “Hearts and Armour”. Duke zëvendësuar Shelley Hack, aktorja u bashkua me Jaclyn Smith dhe Cheryl Lass si Engjëlli i tretë në Charlie’s Angels, ndërsa në 1984 ajo luajti Sheena, një version femër i historisë së Tarzan.

(k.a/dosja.al)

1 vit nga zgjedhjet e 25 prillit si e shikoni gjendjen e vendit:

View Results

bota bota tanya roberts tanya roberts

Sondazh

Poll

Bota 5 Janar 2021, 11:21

IRAN-Koreja e Jugut ka dërguar një delegacion në Iran për të kërkuar lirimin e një anijeje të tyren, e cila është kapur pranë ngushticës strategjike në Hormuzit...

MË SHUMË