Bota

Bashkëpunëtor i El Chapo-s, ekzekutohet me breshëri plumbash brenda makinës 47-vjeçari në Meksikë, plagoset rëndë vajz

29 Dhjetor 2020, 20:21 Nga DOSJA
Bashkëpunëtor i El Chapo-s, ekzekutohet me breshëri

MEKSIKË- Një bashkëpunëtor i bosit famëkeq të drogës Joaquín ‘El Chapo’ Guzmán, u ekzekutua brenda makinës së tij, në veri të Meksikës. Nga të shtënat mbeti e plagosur edhe vajza e tij 8 muajshe.

47-vjeçari Ignacio Paez Soto, pjesë e kartelit Sinaloa, ishte i ulur në automjet së bashku me bashkëshorten, kur një grup personash hapën zjarr në breshëri në drejtim të tyre, në një parking në Caborca, Sonora të Meksikës.

Paez, i njohur gjithashtu si El Nacho dhe C1, u qëllua më shumë se 50 herë vdiq në vendin e ngjarjes. Vajza e tij e vogël mori një plagë në krah dhe u dërgua me urgjencë në spital, dhe gjendja e saj sëhndetësore ende nuk dihet.

Ndërsa nëna e fëmijës për fat të mirë nuk u lëndua, por mësohet se u trajtua nga mjekët për shkak të gjendjes së shokut. Paez ishte dënuar me 20 vjet heqje lirie për trafik droge nga një gjykatë meksikane, por mbetet e paqartë kur dhe pse ishte liruar nga burgu.

Sipas asaj që shkruan DailyMail, Paez mbikëqyrte operacionet e kartelit Sinaloa në shtetin verior të Sonorës, që prej 2002-t. Karteli i Sinaloa së bashku me kartelin Jalisco New Generation janë dy prej organizatave më të mëdha dhe më të fuqishme të trafikut të drogës.

Megjithatë ky kartel ka pasur përplasje për pushtet, që kur El Chapo u kap në 2016-n dhe u ekstradua në Amerikë në 2017-n, për drogë.

Tre djemtë e El Chapo, të njohur ndryshe si Los Chapitos, kanë luftuar për kontrollin e organizatës kundër një rrjeti të krijuar nga Rafael Caro Quintero. Caro Quintero është në kërkim nga Shtetet e Bashkuara të Amerikës për vrasjen e agjentit të antidrogës Kiki Camarena, në 1985-n.

Ndërkohë, El Chapo u dënua me burgim të përjetshëm në SHBA, në 2019-n, pasi u shpall faktor për disa vepra penale për drogë.

(A.k.dosja.al)

1 vit nga zgjedhjet e 25 prillit si e shikoni gjendjen e vendit:

View Results

bota bota ignacio paez soto ignacio paez soto

Sondazh

Poll

MË SHUMË