TIRANË– Presidenti Ilir Meta ka vendosur që gjyqtarja Sonila Bejtja të jetë emërimi i shtatë në Gjykatën Kushtetuese. Pasi Këshilli i Emërimeve në Drejtësi i dërgoi sot listën përfundimtare me renditjen e kandidatëve, Meta emëroi magjistraten Bejtja, e cila renditej në listë me 76.83 pikë. Tanimë në Kushtetuese kanë mbetur vetëm 2 vende vakante.
NJOFTIMI I PLOTË I PRESIDENCËS:
Presidenti i Republikës, Sh.T.Z Ilir Meta sot më datë 28.12.2020, ka administruar nga Këshilli i Emërimeve në Drejtësi Listën Përfundimtare të Renditjes së Kandidatëve të lejuar për kandidim dhe Raportin e Arsyetuar të Renditjes së tyre për plotësimin e vendit vakant në Gjykatën Kushtetuese, vakancë e parakohshme, e krijuar pas mbarimit përpara kohe të mandatit të ish-gjyqtarit Besnik Muçi, shpallur nga Presidenti i Republikës me Dekretin nr. 11364, datë 22.11.2019.
Sipas praktikës dokumentare të dërguar, Këshilli i Emërimeve në Drejtësi me vendimin nr. 66, datë 28.12.2020, ka vendosur miratimin e listës përfundimtare të renditjes së kandidatëve për gjyqtar në Gjykatën Kushtetuese, në vendin vakant, vakancë e parakohshme, e shpallur nga Presidenti i Republikës në datën 22.11.2019, si më poshtë:
1) Sonila Bejtja 76.83 Pikë
Presidenti Meta, pasi u njoh dhe vlerësoi praktikën dokumentare të vendimmarrjes së Këshillit të Emërimeve në Drejtësi; si dhe duke vlerësuar njëkohësisht nevojën jetike që ka vendi për plotësimin dhe funksionimin sa më parë, e mbi të gjitha në mënyrë të qëndrueshme të Gjykatës Kushtetuese, në përfundim të shqyrtimit, në mbështetje të neneve 93, 125 pika 1, 127 pika 3, 129, 149/d pika 1, të Kushtetutës së Republikës së Shqipërisë, neneve 7, 7/a pika 4, 7/b, 7/dh pika 2, të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, pa asnjë vonesë, me Dekretin nr. 11886, datë 28.12.2020, ka vendosur që:
– Zonja Sonila Bejtja të emërohet gjyqtar në Gjykatën Kushtetuese.
Gjykata Kushtetuese u bë funksionale disa ditë më parë me betimin e anëtarit të gjashtë të saj, Përparim Kalo. Institucioni përbëhet nga 9 anëtarë, 3 që zgjidhen nga kreu i shtetit, 3 nga Kuvendi dhe 3 nga Gjykata e Lartë e cila ende nuk është funksionale. Anëtarët e Gjykatës Kushtetuese kanë një mandat 9-vjeçar pa të drejtë riemërimi.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Kreu i Komisionit Qendror të Zgjedhjeve, Ilirjan Celibashi ka hedhur poshtë skemën e prezantuar nga ministri për Diasporën, Pandeli Majko, i cili p...
TIRANË– Deputeti Myslimi Murrizi do të ankimojë ditën e nesërme në orën 11:00 në Gjykatën Kushtetuese ndryshimet e bëra në Kodin Zgjedhor. Partia Lëvizja D...
TIRANË– Çështja e detit me Greqinë është kthyer sërish në ‘mollë sherri’ mes ‘kokave’ të politikës shqiptarë. Presidenti Ilir Meta sot i është përgj...
TIRANË– Këshilli i Emërimeve në Drejtësi do i dërgojë Presidentit Ilir Meta emrin e Sonila Bejtja për vendin vakant si anëtare e shtatë e Gjykatës Kushtetu...
TIRANË– Ambasadorja e SHBA në Tiranë, Yuri Kim ka zhvilluar sot një takim me Komisionin e Pavarur të Kualifikimit.Në një postim në rrjetet sociale, ambasad...
TIRANË–Kreu i Inspektoriatit të Lartë të Drejtësisë, Artur Metani nw njw letwr qw i ka dwrguar ministres së Drejtësisë, Etilda Gjonaj, kërkon ndryshime në ...
TIRANË– Presidenti Ilir Meta ka kundërshtuar ashpër zgjerimin e Greqisë me 12 milje në detin Jon. Nëpërmjet një postimi të bërë në Facebook, kreu i shtetit...
TIRANË– Ish-kryeministri Sali Berisha ka publikuar diplomën e drejtueses se KPK-së, Pamela Qirko dhe shkruan se ajo është një e mbetur në klasë. Në një sta...
TIRANË- Ish-Nënkryetarja e Partisë Demokratike, Jozefina Topalli vendosi të krijojë parti politike vetëm pak muaj përpara zgjedhjeve të ardhshme. Topalli k...