Aktualitet

Hapet drita jeshile për ndërtime në zonat arkeologjike në Durrës, Këshilli i Ministrave miraton vendimin (Foto)

12 Shkurt 2019, 21:58 Nga DOSJA

Hapet drita jeshile për ndërtime në zonat arkeologjike në

Hapet drita jeshile për ndërtim në dy ish-zonat e ndaluara në qytetin e Durrësit. Në datë 26 dhjetor të vitit 2018, Këshilli i Ministrave miratoi vendimin që konsiston në zhbllokim të pjesshëm të ndërtimeve në zonën “A” dhe “B”, të konsideruara zona arkeologjike.

Sipas vendimit të KM, që tashmë ka mbarritur edhe për zbatim në institucionet lokale, në zonën arkeologjike “A”, të qytetit të Durrësit, lejohet vetëm : “mirëmbajtja, restaurimi dhe konservimi i integruar i monumenteve të kulturës dhe strukturave arkeologjike, pas shqyrtimit dhe miratimit të projekteve nga Këshilli Kombëtar i Trashëgimisë Kulturore Materiale, në vijim KKTKM. Kryerja e formave të testimit, të tilla si: sondazhe që nuk cenojnë shtresat arkeologjike, studime gjeofizike, regjistrim digjital i terrenit, të përcaktuara me vendim të KKTKM-së; Zbatimi i projekteve kërkimore shkencore të miratuara nga Këshilli Shkencor i Institutit të Arkeologjisë, pas shqyrtimit dhe miratimit nga KKTKM-ja”,- thuhet në VKM, e cila specifikon edhe më tej ndërhyrjet, rikonstruksioni i rrugëve dhe të gjitha punimet në rrjetin inxhinierik mbi bazën e projekteve të miratuara nga KKTKM-ja.

Rikonstruksioni/rindërtimi i godinave ekzistuese pa ndryshim të gjurmës, volumi i përgjithshëm i të cilave nuk cenon pasuritë kulturore të nëntokës, mbi bazën e projekteve të miratuara nga KKTKM-ja; vendosja e konstruksioneve të lehta (dru, xham, plastikë, metal) me lartësi maksimale 1 kat, në funksion të informimit publik, që lidhen me veprimtarinë arkeologjike, trashëgiminë kulturore si dhe nevojave të tjera të rikualifikimit urban të zonës, si më poshtë: konstruksionet duhet të jenë të lëvizshme (të çmontueshme) dhe në asnjë rast nuk duhet të dëmtojnë nëntokën dhe peizazhin.

Projekti për vendosjen e konstruksioneve të lehta miratohet nga KKTKM-ja dhe për çdo rast duhet të përcaktojë saktësisht qëllimin, kohëzgjatjen dhe vendndodhjen e strukturës. Ndërsa në zonën “B” arkeologjike, Këshilli i Ministrave ka vendosur të ndërhyjë vetëm në këto forma: “Në zonën arkeologjike “B”, të qytetit të Durrësit, përveç ndërhyrjeve që lejohen në zonën arkeologjike “A”, lejohen edhe ndërtimet e reja pas miratimit nga KKTKM-ja. Projektet për ndërtimet e reja shqyrtohen dhe miratohen nga KKTKM-ja, dhe vijojnë procedurën sipas ligjit të planifikimit dhe zhvillimit të territorit.

Ndërtimet e reja lejohen vetëm pas kryerjes të formave të testimit të përcaktuara nga KKTKM- ja, në varësi të potencialit arkeologjik që përfaqëson zona. Gërmimi arkeologjik kryhet sipas përcaktimeve të KKTKM-së, pas lidhjes së aktmarrëveshjeve përkatëse, ku në çdo rast njëra nga palët nënshkruese është Instituti Kombëtar i Trashëgimisë Kulturore”. Për të gjitha ndërhyrjet në zonat arkeologjike realizohet monitorim arkeologjik gjatë zbatimit të punimeve nga subjekte të licencuara dhe/ose institucione shtetërore të specializuara dhe mbikëqyrje arkeologjike nga institucionet e specializuara shtetërorore.

Në zonën “A” dhe “B” të konsideruara zona arkeologjike ka qenë i pezulluar legalizimi i objekteve. Pjesa dërmuese e objekteve të ngritura në këto dy zona arkeologjike nuk janë legalizuar ende, ndërkohë që prej vitesh pritet të shfuqizohet vendimi. Bëhet fjalë për më shumë se dhjetë mijë objekte, të cilat presin dritën jeshile për t’u futur në procesin e legalizimeve. Në fakt, absurde e konsiderojnë banorët por edhe vetë zyrtarët lokalë këtë vendim të marrë disa vite më parë që konsistonte në bllokimin e procesit të legalizimeve në këto dy zona, duke marrë parasysh faktin se objektet tashmë janë ndërtuar dhe nëse kanë shkatërruar vlera arkeologjike ska asnjë vlerë të mos legalizohen.

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet ndertime ne zonat arkeologjike vendimi i keshillit te ministrave zonat arkeologjike ne durres ndertime ne zonat arkeologjike vendimi i keshillit te ministrave zonat arkeologjike ne durres

Sondazh

Poll

Aktualitet 12 Shkurt 2019, 21:28

Hapet drita jeshile për ndërtime në zonat arkeologjike në Durrës, Këshilli i Ministrave miraton vendimin (Foto)

Sondazh

Aksident në Korçë, makina përplas 59-vjeçarin

Zbulohen 30 spiunët e ish-Sigurimit, akademikë, diplomatë dhe politikanë

Laç/ 32 vjeçari i humbur prej 3 ditësh, familjarët: Kurohej për skizofreni (VIDEO)

“Tentoi të përdhunonte studenten”, merret në pyetje efektivi në Shkodër: E kapa për krahu (Video)

Dritan Dajti/ Kërkesa e Gjonajt për shkarkimin e gjyqtarëve, KLGJ: Do ta hetojmë me përparësi

Aksident në Kavajë/ Makina përplas për vdekje këmbësorin, shoferi largohet nga vendngjarja (Emri)

Unaza e Re/ Balliu-Ramës: Me 16 shkurt do të përpijë e zeza

‘E pastër në tre kriteret e Vettingut’, konfirmohet në detyrë Elsa Toska

Dekriminalizimi/ Gjykata rrëzon kërkesën e ish-deputetit të LSI-së për t’u rikthyer në Kuvend

Gjykata e Strasburgut jep vendimin për Arben Frrokun: S’ekstradohet, vendimi është politik